Главная » Статьи » В помощь учителю » Дошколенок |
Сабақтың тақырыбы: Су өмірдің нәрі. Сарқырама. В. Ақыпбекұлы Сабақтың мақсаты: Судың адам өміріндегі маңыздылығын түсіндіру. Сабақтың міндеттері: - Суды үнемдеуге баулу. - Судың табиғаттағы орнын түсіндіре отырып, табиғатты сүюге, қамқорлық жасауға тәрбиелеу. Әдіс- тәсілі: ойын сабақ, сұрақ- жауап, әңгімелеу. Көрнекілік: табиғат суреттері, сарқырама бейнефильмі. Сабақтың барысы: 1.Ұйымдастыру кезеңі. «Шаттық шеңберін» құру. Балалар біріне – бірі сабаққа жақсы көңіл күй тілейді. 2. Жаңа сабақ. Тәрбиеші: балалар, мен жұмбақ жасырайын сендер шешіп көріңдерші. Жұмбақ Жылт –жылт еткен, Тіршіліктің нәрі, Жылғадан өткен. (су) Тазалықтың әрі. (су) - Балалар, су не үшін қажет? - Үйде су болмаса не істейміз? (Қайдан аламыз?) - Судың қандай түрлері бар? - Мұз, қар, жаңбыр, бұршақ. «Жыл мезгілін ата» ойыны. Тақтаға жылдың төрт мезгіліне арналған суреттер ілінеді, бір ойыншы шақырылады. «Мұз» дегенде ойыншы соған сәйкес жыл мезгілін көрсетеді. Судың қасиетіне байланысты айтылған сөздерге сәйкес суреттерді көрсетумен ойын жалғаса береді. -Қар ерігенде қандай күйге айналады? -Үйде суды бос ағызуға бола ма? -Суды үнемдеудің қандай жолдарын білесің? -Сусыз жер бетінде өсімдік өсе ме? -Сусыз жан- жануар тіршілік ете ала ма? -Қандай өзен, көл, мұхит, теңіздерді білесіңдер? - Арал көлі, Тынық мұхит, Қара теңіздер. (Картадан көрсету). - Балалар, сендер қатты, сарқырап ағып жатқан суды көрдіңдер ме? (Үйдегі краннан аққан су, бұлақтан аққан су, өзен, теңіз, мұхит суларының ағысын суреттен көрсету). - Қатты ағыспен ағатын суды «Сарқырама» дейді екен. - Қазір мен, балалар, В.Ақыпбекұлының « Сарқырама» деген өлеңін оқып берейін. Сендер өлеңде не жайлы айтылған екен мұхият тыңдап отырыңдар. Сарқыраған, арқыраған өзеннің, Сәл құлама тұсын бар ма көргенің? Сол болады құлап аққан биіктен, Сарқырама – құлама су дегенің. (Сарқырап ағып жатқан судың суретін көрсету, бейнефильмін көрсету). - Сонымен «Сарқырама» дегеніміз не екен? - Сарқырама. В. Ақыпбекұлының өлеңін оқулықтан оқу. Тәрбиеші: - Балалар, атамыз қазақ судың қадірін бұрыннан білген екен. Сол себептен де су жайлы мақал – мәтелдер көп екен. Мақалдар не жайлы айтады екен талдап көрейік. Мақал- мәтелдер 1.Судың тазасы- дерттің қазасы. - су таза болса, кез – келген аурауға ем болады екен. Мысалы, балалар, таңертең таңғы астан бұрын 1 стакан су ішсең күні бойғы ішкен асың бойыңа сіңіп, сергек жүреді екенсің. 2.Судың да сұрауы бар. - Бұл жерде суды үнемсіз пайдаланса, судың да таусылатыны жайлы айтылады. Су алатын орынды ластауға болмайды. Құдыққа лас заттарды лақтыруға болмайды. 3.Су анасы- бұлақ. - Нағыз таза, мөлдір су бұлақтан ағады екен (суретін көрсету). Бұлақтың көзі (су ағары) бітеліп жатса тазартып, аршып қою қажет. - Балалар, судың аққанын көрдіңдер ме? (Үйдегі краннан аққан су, бұлақтан аққан су, өзен, теңіз, мұхит суларының ағысын суреттен көрсету). Қорытынды: сабаққа белсенді қатысқан балаларды мадақтау. | |
Просмотров: 4961 | Комментарии: 3 | |
Форма входа |
---|
Социальные закладк |
---|
Поиск |
---|
Друзья сайта |
---|
Теги |
---|
Статистика |
---|