Коллеги - педагогический журнал Казахстана
Учительские университеты
| Главная » Статьи » В помощь учителю » Дошколенок |
"Ұлттық аспаптар"
| Даярлық тобында қазақ тілі сабағы "Ұлттық аспаптар" Мақсаты: Балалардың ұлттық аспаптар туралы білімдерін толықтыру, қызығушылықтарын арттыру, сөз қорын байыту а) балаларға ұлттық ән-күй аспаптары, олардың маңызы туралы мағлұмат беру. ә) ойды жүйелеп айту дағдысын қалыптастыру, ойлау, есте сақтау, еске түсіру қабілеттерін дамыту. б) достыққа, өнерге, тапқырлыққа, батылдыққа баулу. Көрнекілік: Аспаптардың суреттері, домбыра, қобыз, сақпан, тоқылдақ, асатаяқ. Сөздік жұмыс: Ұлттық аспаптардың атаулары: домбыра, қобыз, т.б. аспаптардың атауы, айтыс, күй, ақын Әдіс-тәсілдер: Көрсету, түсіндіру, әнгімелеу, сұрақ-жауап, қайталау. Аспаптар көрмесін ұйымдастыру Алдын-ала жұмыс: Ұлттық аспаптар мұражайына саяхат, аспап дауыстарын магнитофон таспасына жазу, аспаптардың фотосуреттерін шығару, суретке салу, жапсыру, мүсіндеу. Сабақтың барысы: Ұйымдастыру кезеңі. -Құрметті балалар! Сіздерге сәттілік, ұтқыр ойлар мен тиянақты жауап, өзіме жетістік, келген қонақтарға сабырлық және тыныштық тілеймін. Жүректен жүрекке. Біз осындай баламыз (қолды кеудеге қояды) Біз әдепті боламыз (басынан, денесінен сипау) Досымызды көргенде (бір-біріне қолын созу) Қуанып қарсы аламыз! (бір-бірімен құшақтасу) Мұғалім: Балалар, біз бүгін концертке барамыз. Көлікке мінер алдында, бензин бар ма екенін тексерейік. Бензобактың қақпағын ашып, көрейік «чик-чик», бензин жоқ екен, құйайық «с», қақпағын жабайық «чик-чик», көлікті жүргізейік, кеттік. Жолымыз ұзақ көрінбесің деп, әндетейік. Бірақ өлеңіміз ерекше- дыбыстық жаттығулар. Тән дыбыстарды қайталаймыз. («ә», «ө», «ы», «і», «ұ», «ү», «қ», «ғ», «ң»-әр дыбыстың өлеңін еске түсіріп, сөздер іздеп табамыз) (таныс өлеңдердің әніне салу) Касса қасына барып, -Билет қанша тұрады?- деп балалар сұрақ қояды. Кассир: 5 мың теңге (балалар 5-ке дейін санайды, ән-күй аспаптары салынған билеттерін алып, атап шығады, содан кейін орындарын тауып отырады) Концерт басталады: 1.Қобызда ойнау. (Қалай ойлайсыңдар, қандай ұлттық аспапта орындалды?- ҚОБЫЗДА 2.Айтыс -Балалар, қазақ халқының қандай өнерін көрдіңдер?-АЙТЫС. Дұрыс. Ақындар бір-бірімен сайысқа шығады. Бұл сайыс- айтыс деп аталады. Жақсы, тапқыш ақын жеңіп шығады. Сыйлық алады. 3. Қазақ биі -жігіттер Ойын «Даңғыра». Ұшқан құстай ұшқырмыз! Желден озған жүйрікпіз Жарысуға сендермен Келіп тұрған мықтымыз. Ойын шарты: Ойыншылар қол созым ажырап, шеңбер құрады да, дөңгелене тұрады. Бір ойыншы ортаға шығарылады, қолына даңғыраны ұстап ортасында жүреді. Екі ойыншыға жүгіріп келеді де, даңғыраны соғады, олар екі жаққа жүгіреді. Кім бірінші жүгіріп келген ойынды осылайша жалғастыра береді. 4.-Қонақтарда отырып қалмасын деп, олармен де бір ойын өткізейік. Ойын « Ненің дауысы?» (балалармен және көрермендермен) аспаптардың үнін естіп, тауып алу. Магнитофон таспасынан әр түрлі ән-күй аспаптарын тыңдап, тану. 5. Қазақ биі- жұп-жұппен 6.Күй (домбырада шақырған қонақ күй ойнап береді). Тыңдаған шығарма қалай аталады? -КҮЙ. Қандай ұлттық аспапта күй орындалды? –ДОМБЫРАДА. Мұғалім: Балалар басқа ұлттық аспаптар қалай ойнайды екенін айтып береді. ҚАЗАҚ ОРКЕСТРІ (Балалар ұлттық аспапта ойнап жатқан суреттерді көрсетіп, тақпақ оқиды) Оркестрде біздің бұл Өнерпаз көп кім дүлдүл? Күмбірлеткен домбыра, Дүбірлеткен даңғыра. Жорғалатқан жетіген Сыбызғы үні лекіген. Сызылтады қылқобыз Шалып ойнар шаңқобыз. Адырна, ұран, қос сырнай Саз қалыспас, қосылмай. Соғар дабыл, жыланбас, Шыңдауыл мен дауылпаз. Тақылдайды тоқылдақ, Асатаяқ, тайтұяқ. Әуез кернеп, ышқынып Шығар керней, ысқырық. Көп аспабы халқымның Тыңдап үнін, балқимын. 6. Өлең «Домбыра сазы» (балалар аспаптарда ойнап береді) 1.Елдің жырын жырлаған Қайғысын да толғаған Домбырасыз ешқашан Жүрекке ем қонбаған. Қ-сы: Домбырасыз сән қайда? Домбырасыз ән қайда? Ән мен күй бар өмірде От та лаулап жанбай ма? 2.Қ ұрманғазы, Тәттімбет Домбырамен сайраған Жүрегіне от жақсын деп Елге күйін арнаған 3.Абай, Жамбыл, Біржан сал Таң қалдырып ән салған Жүрегіңді жандырған Естіген жан тамсанған 4.Домбырамен сөйлеген Махаббаты халқымның Жігер беріп күй деген Жарқырады алтын күн. 7. Қайтар жолымызды көңілді күймен өткізу үшін автобуста «Ән-күйінен танып ал»ойынын ұйымдастыру («Угадай мелодию»)(алдында жаттаған өлеңдерді еске түсіріп өту) «Бесік жыры», «Отаным», Тамаша», «Нұрын төккен маған», «Шөп, шөп шөжелерім», «Менің Қазақстаным» т.б. Мектеп-бақшаға келіп, сабақтың қорытындысын жасау. -Балалар, сендерге ұлттық аспаптарға арналған бүгінгі сабақ ұнады ма? (концерт ұнады, аспаптар ұнады т.б.) Біздің топта ұл-қыздар Тату-тәтті ойнаймыз әлемдегі бар адамға тек жақсылық ойлаймыз. Балалар қонақтарға сыйлық таратып, қоштасады. Сабақ аяқталады. | |
| Просмотров: 2637 | Комментарии: 1 | |
Суббота, 2024-05-04, 8:45 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|