Коллеги - педагогический журнал Казахстана
Учительские университеты
| Главная » Статьи » В помощь учителю » География |
Оңтүстік Америка материгінің физикалық- географиялық орны.
| Сабақ тақырыбы: Оңтүстік Америка материгінің физикалық- географиялық орны. Ашылу және зерттелу тарихы. Сабақтың мақсаты: Географиялық орнының ерекшелігі мен жағалау сызықтарының тілімделу ерекшеліктері мен материктің географиялық орнының табиғатына әсерін анықтау. Оқушыларды материктің ашылу тарихымен таныстыру. Міндеттері: Білімділік: Материктің географиялық орнын анықтай білу қабілеттерін дамыту. Дамытушылық: Атласпен, кескін картамен жұмыс жасауға үйрету.Ұқсастықтары мен айырмашылықтарын анықтай білу, салыстыра алу қабілеттерін жетілдіру. Тәрбиелік: Саяхатшылардың батылдығын айта отырып, географиялық ашылуларға қызығушылығын туғызу, әлемді танып білуге баулу. Сабақ түрі: аралас сабақ Сабақтың тегі: жаңа сабақ Сабақтың әдісі: слайдтық иллюстрациялар арқылы түсіндіру, анықтау, салыстыру, тапсырмалар орындау Сабақ көрнекілігі: Оңтүстік Американың физикалық картасы, слайдтық иллюстрациялар. Оқытуға қажетті техникалық құралдар: Интерактивті тақта, компьютер. Сабақ жоспары: І. Ұйымдастыру. ІІ. Оңтүстік Американың тарихына үңілу. Үндістанға барар жол ІІІ. Жаңа сабақ. «Ғажайып Оңтүстік Америка» ІҮ. Өзіңді көрсет. Материктің географияық орнын анықтау. Ү. Бекіту. ҮІ. Үйге тапсырма. ҮІІ. Бағалау. Сабақ барысы: І.Ұйымдастыру. Психологиялық тест. ІІ. Оңтүстік Американың тарихына үңілу. ІІІ. Жаңа сабақ. Сабақтың мақсатымен таныстырып, өтілетін сабақтың ерекшелігін айту. Ашылу тарихы. Оқушылардың дайындаған хабарламалары тыңдалады. 1. Х.Колумб 2. Америго Веспуччи 3. Александр Гумбольд 4. Вавилов Интерактивті тақта арқылы слайдтармен материк табиғатының ерекше жерлеріне тоқталу. 1. Амазонка ойпаты. 2. Анхель сарқырамасы. 3. Анд тауы. 4. Титикака көлі. 5. Охос-дель-Саладо 6893м. 6. Аконкагуа 6960м. 7. Вальдес түбегі -40м. ІҮ. Өзіңді көрсет. Оқушылармен бірге картамен жұмыс істей отырып, материктің географиялық орнын анықтау. Материктің географиялық орнын анықтап көрейік. Табиғатына әсері. Экватор. Оңтүстік Американың солтүстік бөлігін кесіп өтеді. Материктің көп аумағы оңтүстік жарты шарда орналасқан. Оңтүстік тропик материктің дәл ортасынан дерлік кесіп жатыр. Материктің көп бөлігі экватормен, оңтүстік тропик аралығында орналасқан. Күн сәулесін осы аумақ ең көп алады, сондықтан материктің климаты сан алуан. Бастапқы меридиан материкті кесіп өтпейді, ол толығымен батыс жарты шарда орналасқан. Мұхиттар. Оңтүстік Америка жағалауын қандай мұхиттар мен теңіздер шалып жатқанын анықтау, оларды кескін картаға белгілеу. Қай мұхиттың материкке әсері күшті және неліктен екендігін айту. Материк жағалауында қандай ағыстар бар екенін анықтап, кесікн картаға түсіру. Олардың материк климатына әсері. Анықтама нәтижесі: Батысынан Тынық мұхиты, ал шығысынан Атлант мұхиты шайып жатса, солтүстігін Атлант мұхитының Кариб теңізі шайып жатыр. Батыс биік таулар алып жатқандықтан, олар Тынық мұхитынан келетін ауа массаларын шектейді. Сондықтанда Атлант мұхитының ықпалы басым.Батыс жағалауынан Перу суық ағысы өтсе, шығыс жағалауынан Гвиан және Бразилия жылы ағыстарымен Фолкленд суық ағысы өтеді. Жылы ағыстар ылғал әкелсе, суық ағыстар қасында шөлді аймақтар орналасқан. Оңтүстік Американың басқа метерикке қатысты орнын анықтау. Анықтама нәтижесі: Оңтүстік Америка және Солтүстік Америка материктері бір ғана Америка дүние бөлігін құрайды. Материктер Панама каналы арқылы бөлініп жатыр. Екі материк табиғатына ықпал етпейді. Ал Антарктида метеригінің суық ауа массаларының ықпалы Оңтүстік Американың оңтүстік жағалауында байқалады. Материктің шеткі нүктелерін, олардың координаталарын анықтау, кескін картаға түсіру. Материктің солтүстіктен оңтүстікке дейінгі қашықтығын 700 бойлық бойынша, батыстан шығысқа қашықтығын 100 ендік бойынша есептеп, материктің көлемі оның табиғатына қалай әсер ететіндігін анықта. Анықтама нәтижесі: Оңтүстік Американың солтүстіктен оңтүстікке дейінгі көлемі, батыстан шығысқа қарағандағы көлемінен ауқымдырак. Сондықтанда табиғат зоналарының ауысуы солтүстіктен оңтүстікке қарай жүреді. Материктің жағалау сызықтарын анықтау. 1. Панама каналы. 2. Кариб теңізі. 3. Кіші Антиль аралдары. 4. Ла Плата шығанағы. 5. Фолкленд аралдары. 6. Отты Жер аралдары. 7. Дрейк бұғазы. 8. Магеллан бұғазы. Слайд арқылы қысқаша тоқталу. Ү. Бекіту сұрақтары: 1. Оңтүстік Америка жағалауына бірнеше рет жүзіп барған саяхатшы. 2. Оңтүстік Американың солтүстігіндегі теңіз? 3. Материк қай саяхатшы атымен аталған? 4. Жергілікті халық тілінде мысты тау аталған тау. 5. Оңтүстік Америкадағы ең биік сарқырама? 6. Оңтүстік Америкадағы ең суы мол өзен. ҮІ. Үйге тапсырма: §37 оқу, мазмұндау. Кескін картамен жұмысты аяқтау. «Оңтүстік Американың географиялық орны» тақырыбы бойынша кроссворд құрастыру. ҮІІ. Бағалау. | |
| Просмотров: 11051 | |
Воскресенье, 2024-05-19, 8:56 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|