Коллеги - педагогический журнал Казахстана
Учительские университеты
| Главная » Статьи » В помощь учителю » История |
«КСРО құдіреті-Қазақ қасіреті!!!»
| Өскемен қаласы, "Шоқан Уәлиханов атындағы №3 мектеп-лицейі" КММ Камбасова Молдир Муратбеккызы Мақсаты: 2019 жылы қазақ халқының тарихындағы атаулы даталардың қатарына жататын Семей полигонындағы сынақтардың басталғанына 70 жыл, Ауғанстанға Кеңес әскерлерінің енгізілгеніне 40 жыл толуына орай, қазақ тарихының ақтаңдақ беттерінің қатарына жататын осы оқиғалардың барысын сараптау, нәтижесін талдау арқылы ел тарихына құрметпен қарау, өз елін шексіз сүюге баулу. «Жастар жылының» маңызы мен мақсатын анықтай отырып, Қазақстанның болашағы өз қолдарында екенін айшықтап көрсету. Түрі: Пікірталас Әдісі: сұрақ-жауап Көрнекілігі, керекті құралдары: Фото суреттер, бейне фильмдер, мультимедиалық проектор. Ұйымдастыру кезеңі: Бұл кезеңде дөңгелек үстелдің тақырыбы, мақсаты, барысы таныстырылады. Кіріспе бөлім: Мұғалім: Қайырлы күн, құрметті ұстаздар, оқушылар бүгінгі дөңгелек үстел тарих пәнінің апталығына орай 11 «А» сынып оқушылары үшін ұйымдастырылып отыр. Дөңгелек үстелдің тақырыбы: «КСРО құдіреті-Қазақ қасіреті!!!». Биылғы жылы Семей атом ядролық полигонында жарылыстардың басталғанына 70 жыл, Ауған соғысына 40 жыл, «Невада-Семей» антиядролық қозғалысына 30 жыл толуына орай мемлекеттік көлемінде шаралар ұйымдастырылып басталғаны белгілі. Себебі, аталып отырған екі оқиға да қазақ ұлтының тағдырында өзінің өшпес таңбасын қалтырып отыр. Бұл оқиғалардың басталуына әсер еткен факторлар мен салдары туралы бүгінгі дөңгелек үстел барысында біраз ойлар түйіндейміз деп ойлаймын. 1. Қызығушылығын ояту: «Ой қозғау» - әдісін пайдалана отырып, тақырыпқа бағыт – бағдар беру. «Семей полигоны» және «Ауған соғысы» бейнефильмдері бойынша жұмыс. Оқушылардың бейнематериалдан көрген тақырыпқа байланысты айтылған ойларын тыңдау. Мысалы: - Бейнефильмдерде көрсетілген ақпарат бойынша не айта аласыңдар? - Бұл оқиғаларды қазақ ұлтының қасіреті деп атауымызға негіз бар ма? Қалай ойлайсыңдар? 2. Мағынаны ажырату: «6 неге?» әдісі - Неге КСРО атом полигонын жасауға, оны сынауға сонша мүдделі болды? - Неге атом сынақтары үшін қазақ жері, нақты айтқанда Семей аумағы таңдалып алынды? - Неге Семей полигонының зардаптарын жою Қазақстан үшін әлі өзекті болып отыр? - Неге КСРО Ауған жеріне әскерін енгізді? - Неге Ауған соғысын «мағынасыз соғыс (бессмысленная война)» деп атайды? - Неге Ауған соғысындағы адам шығындары туралы билік басындағылар КСРО халқын бейхабар ұстады деп ойлайсыңдар? Оқушылар дәлел келтіре отырып, негізгі себептерін түсіндіреді, қосымша деректерді пайдалана отырып маңызды мәліметтерді сипаттайды. 3. Ой-толғаныс: «Ашық микрофон» әдісі: Биылғы, 2019 жыл Қазақстан Республикасының Президенті Н.Ә.Назарбаевтың бастамасымен «Жастар жылы» болып аталды? Осыны негізге ала отырып (дөңгелек үстел тақырыбымен байланыстыра отырып), «Қазақстанның жарқын болашағы үшін мен не істей аламын?» - оқушылар арасында ой-толғаныстарын ортаға салу. Қорытынды: Міне, бүгінгі тақырыбымыз КСРО құрамында болған кезеңдегі қазақ елінің қаралы тарихи беттеріне арналды. Келешек ұрпақ өткен тарихтан сабақ ала отырып, жарқын болашаққа қадам басар, қазіргі таңда атқарылып жатқан игі істерді жалғастырулары қажет!!! | |
| Просмотров: 358 | |
Среда, 2024-12-18, 1:16 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|