Коллеги - педагогический журнал Казахстана
Учительские университеты
| Главная » Статьи » В помощь учителю » Мастер-класс |
Отбасы бақыт мекені
| Отбасы бақыт мекені Біздің елімізді жетім балалар мен ата-анасының қамқорлығынсыз қалған балалардың тағдыры үнемі көпшіліктің назарында. Бұл мәселе Қазақстан Республикасының «Қазақстан 2030» даму стратегиясында да өз орын алған. Онда балалар үйінде тәрбиеленіп жатқан әрбір тәрбиеленушінің жеке адам ретінде толыққанды қалыптасуы үшін шешуші фактор – ұлттық тәрбие мен отбасында тәрбиеленуі деп атап көрсетілген. Сондықтан жетімханаға түскен әрбір бала өз ата – анасының мәнсіз қайталамауы үшін жанұялық орта тәрбиелеуге тиісті. Жол беріп алатын болсақ, болашақта жетімдер саны екі есе көп болмақ. Әрбір балаға жаңа отбасын сыйлау – біздің басты ұстанымымыз. Жетімдер үйіне түрлі бала түрлі себептермен түседі. Бірі жарық дүниеге есігін ашқан күннен бастап, өз анасын емес, тәрбиеші қолында тербелсе, енді бірі өзге түгіл өзін тәрбиелеуге осал ата –ананың сәтсіз тәжірбиесін бойына сіңіріп барып қана интернаттық мекеменің есігін ашады. Мне осы жерде түрлі контингентті баланың тәрбиесі балалар үйі қызметкелері үшін түйінді мәселе болып қалады. Ал мемлекет педагогтар алдына қай баланы болсын, болашақта бәсекеге қабілетті, білімді тұлға өсіру және осы жолда лайықты білім мен тәрбие беру міндетін қойып отыр. Жасөспірімдер үйінің тәрбиешісі ретінде ата – ана қамқорлығынсыз қалған балаларды тәрбиелеуде алдымызға шығатын бірқатар проблемаларды айтып өткім келеді. Біріншіден, бұл туғаннан бастап, жетімдер үйінде тәрбиеленіп жатқан балаларға қарағанда, отбасынан кеген балалардың ата – аналарының сәтсіз тәжірбиесін қайталауы. Халқымызда бұған «ұяда не көрсең, ұшқанда соны ілерсің» дейді. Балалар үйі қабырғасында білім алып, психо – физологиялық оңалту шараларын өткеннен кейін ересек өмірде «маскүнем», «жезөкше», «қайыршы» әке –шешесінің «жолын» қуатындар да болады. Міне, осы жасөспірімдердің тәрбиесіне, біз , тәрбиешілер екі есе назар аударуға тырысамыз. Яғни, жасөспірімдердің бойына жарқын да жақсы болашақ идеясын сіңіріп, рухани азықтандыруға тырысамыз. Біріншіден, өзіміз көрсеткен үлгі арқылы. Тәрбиешінің өз басының ұстанымы, жүріс –тұрысы, киген киімі, сөйлеген сөзі бәрі – бәрі тал шыбықтай өсіп келе жатқан жас балаға үлгі. Екіншіден , баланы «болмасаң да, үқсап бақ» дегендей, сөзіне құлақ асып, өзіне сүйсіне үлгі қыларлық ересектермен таныстыру. Үшіншіден, құрбы – құрдастарының жағымды ықпалын қалыптастыру, яғни, «қиындау» баланың жанына әртүрлі қызығушылықтары бар, жақсы мінезді жолдастарды шкөбірек шоғылдандыру. Төртіншіден, әрине, таным – талғамын жетілдіру, ол білетін өмірден басқа да тіршілік барын көркем әдебиет арқылы сіңіру, білсем деуге ұмтылдыру. Кітапханаға, театрға бару шараларын ұйымдастыру. Бесіншіден, БАҚ-нан әлемдегі ахуалдан, қоршаған ортадан мағлұмат беру,жаөсы мен жаманды айыруға ықпал етерлік бағдарламаларды көрсету. Осы шаралардың барлығы жиыла келе, баланың болашақта туындар қиындықтарға төтеп беріп, өмірдің жақсы жақтарын көре білуге үйрететін үздіксіз тәрбиенің басты ұстанымдары. Жасөспірімдер үйі тәрбиесінің екінші бір өзекті мәселесі – тәрбиеленушінің білімді үйренуге деген құлшынысын арттыру, содан барып, оны күнделікті өмірде қолдана білуге үйрету. Балалар үйінді дайын тамақ, дайын киім, дайын төсекке үйренген балалар, жасөспірімдер үйінде «дайын тамақтың» жоқтығын, « еңбекпен тапқан нанның тәттілігін» біліп өсуі керек. Жасөспірімдер үйі тәрбиеленушілерінің үнемі алдында тұратын тағы бір өзекті мәселе – мамандықты дұрыс таңдау. Шындығына келгенде, жасөспірімдер үйінде тәрбиеленетін балалардың білімін әрі қарай жалғастырып, үлкен өмірде өз орнын тауып кетуі баланың ғана емес, мемлекет үшін де маңызы зор шаруа. Әсірісе тәрбиеленушілердің бірқатары денсаулығы шектеулі, дамуында ауытқушылығы бар балалардан құралғанын ескергенде, мамандықты дұрыс тандаудың өзекті мәселе екені түсінікті. Жоғарыда айтылған үш түрлі проблеманы саралаудан туатын өзекті түйін – жасөспірімдер үйінің мақсаты – жетім баланы мектет өабырғасында жәрдемге мұқтаж «жетім» психологиясынан құтқарып, есейтіп, қоғамның толық қанды мүшесіне айналдыру. Мақаланы дайындаған «Ақ ниет» жасөспірімдер үйінің тәрбиешісі: Қыдырбаева М.Т. | |
| Просмотров: 1376 | Комментарии: 1 | |
Среда, 2024-12-18, 4:48 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|