Коллеги - педагогический журнал Казахстана
Учительские университеты
| Главная » Статьи » В помощь учителю » Мастер-класс |
Тақырып Сүйіспеншілік пен мейірімділік жолы (отбасында)
| Мерзiм: 10.02.2016 ж. Тақырып Сүйіспеншілік пен мейірімділік жолы (отбасында) Құндылық:Сүйіспеншілік. Қасиеттер: Сыйластық,адалдық,сенімділік,ізгілік. Мұғалiм:Бопанова А.О Сынып: 6 «А» Оқушылар саны: 15 Мақсаты: Оқушыларға өмірдің мәні сүйіспеншілікте екенін ұғындыру. - Оқушыларға сүйіспеншілік ұғымының адам өміріндегі мәнін түсіндіру. - Оқушылардың бойындағы адалдық,сенімділік,ізгілік қасиетерін дамыту. - Оқушыларды өз анасын, жақындарын, достарын,айналасындағы адамдарды риясыз сүйіспеншілікпен жақсы көруге тәрбиелеу. 1. Ұйымдастыру кезеңi. Тыныштық сәтi. «Нұрға бөлену» Ыңғайланып отырыңыздар, денелеріңізді түзу ұстаңыздар. Аяқ қолыңызды айқастырмаңыз. Қолыңызды тізелеріңіздің немесе партаның үстіне қойсаңыз болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарап бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек қалауыңызды шайып жүрекіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз.Сіздің қолдарыңыз нұрға бөленіп, сәуле шашуда. Қолыңыз тек жақсы, ізгі істер істейді және баршаға көмектеседі.Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздерғана айтады. Нұрды құлақтарыңызға бағыттаңыз, құлақтарыңыз жақсы сөзбен әсем әуенді ғана естиді. Нұр көздерімізге де жетті, көзіміз де жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келді. Нұр бірте-бірте қарқын және шұғылана бастайды, сіздің денеңізден шығып, жан –жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз олардың да жүрегі нұрға толсын. Осы нұр бүкіл әлемге: барлық адамдарға, жан – жануарларға, өсімдіктерге барлық тірі жанға таралсын...Ғаламның барлық түпкір – түпкіріне нұр бағыттаңыз. Ойша айтыңыз: «Мен нұрмын...Нұр менің ішімде... Мен Нұрмын.» Осындай Нұр, Махаббат, Тыныштық күйінде отыра тұрыңыз... Енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. 2. Әңгiмелеу Анасының жеті қызы Енді балалар мен сендерге Бір ананың жеті қызы деген әңгімесін оқып берейін. Бір ананың жеті қызы болыпты. Бірде олар алыста тұратын ұлына кетеді. Үйге бір аптадан кейін оралады. Үйге кірісімен қыздары бірінен соң бірі шешесін қалай сағынғанғандарын айта бастады. - Мен сені күн сәулесін күткен көкнәр гүліндей сағындым,- деді біріншісі. - Мен сені бір тамшы суды аңсаған шөлдей күттім,- деді екіншісі. - Мен мамасын сағынып жылаған кішкентай балапандай болып жыладым,- деді үшіншісі. - Мен сенсіз гүл таппаған ара сияқтымын,- деді төртіншісі. - Сен менің түсіме раушан гүлінің түсіне енген шық тамшыларындай болып көріндің,- деді бесіншісі. - Шие бағын іздеген бұлбұлдай мен сенің жолыңды қараумен болдым,- деді алтыншысы. Жетінші қызы үндеген жоқ.Ол шешесінің аяқкиімін шешіп, аяқтарын жуу үшін су әкеліп берді. 3. Сұрақ-жауап. - Қыздар анасына өз сүйіспеншіліктерін қалай білдірді? - Сендер аналарыңа сүйіспеншіліктеріңді қалай білдіресіңдер? 4. Топпен ән айту. Айналайын. Өзің едің тірегім де Жыр боп тұндың жүрегімде Мені сендей түсінетін Кім бар екен бұл өмірде Қайырмасы: Жарқын құшақ жайған айым Ниетіңе сай болайын Мені сүйген жүрегіңнің Лүпілінен айналайын 2 Әнің әнге жалғассын деп Келеді арман алға сүйреп Менің кемем өрге жүзсе Сен қуандың алғашқы рет | |
| Просмотров: 2009 | | |
Среда, 2024-12-18, 4:46 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|