Учительские университеты
Шет тілін оқытуда ойын технологиясының орны мен рөлі
| Бүгінгі таңда оқу процесінің жеделдеуіне байланысты шетел тілі пәндерін де заман талабына сай, әр түрлі әдіс-тәсілдерді қолданып жүргізу қажеттілігі туып отыр. Әр түрлі сөйлемдерді меңгерту, қайталату, текстерді жаттату,тағы басқа жұмыс түрлері оқушыны жалықтырып шаршататыны белгілі. Сондықтан да шетел тілін оқытуда ойын түрлерін пайдалану оқушының басқа тілді үйрене алмаймын деген сенімсіздігін сейілтіп, тілді үйренуге ынтасын арттырады. Мұғалім тілдің түрлі құбылыстарын меңгерудедегі қиыншылықтан сабақта ойын түрлерін пайдалану арқылы көз жеткізуге болады. Ол үшін мұғаліммен бірге оқушы да ойынның шартын меңгеруі тиіс.Ойын түрлерін мақсатсыз қолдана беруге болмайды. Ойын арқылы білімді, білікті, дағдыны игерудің тұлғалық-қызметтік сипатын қамтамасыз етеді. Сол себептен,оқушыны ақпараттар іздеуге, игеруге бағытталған өз бетінше атқарылатын танымдық және шығармашылық қызметке тартатын ойын әдістерін пайдалану керек. Сабақты ойын түрлерін пайдалана отырып жүргізу – оқыту әдістемесінің белсенділігін арттырып, қосалқы – қосымша мүмкіндік тудыратын тәсіл деуге болады. Сабақта немесе сабақтан тыс жұмыстарды үйретуші ойындарды пайдаланудың әдістемелік маңызы зор. Ойын арқылы баланың есте сақтау және ойлау қабілеттерін дамытуға болады. Ойын оқушыларды сөйлеуге психологялық жағынан дайындап тіл материалын бірнеше рет қайталауға мүмкіндік береді және керекті сөз бірікпелерін таңдауға жаттықтырады. Ойын түрлері дұрыс қолданылып өткізілген сабақта оқушының шетел тілін үйренуге деген ықыласы артып , сол тілде сөйлеп үйренуге, оның тілін білуге қызығады. Оқыту процесінің әр түрлі сатысында ойын түрлері танымдық мақсатты көздей отырып оқушының жас ерекшелігіне қарай әр түрлі формада қолданылады. Сонымен қатар адамның психологиялық ерекшеліктеріне талдау жасағанда,танымдық қабілет оқушының жас ерекшелігіне ғана емес, жеке басқада тікелей байланысты болғандықтан, мұғалім ойын түрлерін пайдаланғанда осы мәселеге де көңіл аударуы қажет.
|
| Категория: Английский язык | Добавил: Жанка (2012-11-17)
| Автор: Тусупова Мария Абылкаевна E
|
| Просмотров: 2598
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]