Ашық сабақ әзірлемесі
Тақырыбы: Б.Майлин «Күлпаш»
(26.11.2010)

Өткізген: Г.Жүрсімбаева

Семей қаласы

Сабақтың тақырыбы: Б.Майлин «Күлпаш»

Мақсаты: Б.Майлин туралы түсінік беру, «Күлпаш» әңгімесін талдап,
шығарманың идеясын ашу.

Міндеттері:1. Оқыған әңгіме туралы өз пікірін, ойын айтып, оны
дәлелдеуге, эмоционалдық қарым-қатынасын көрсете білуге үйрету.
2. Оқу және оқырмандық дағдыларын қалыптастыру.
3. Өткен өмірді, тарихты білу, елінің азаматтарын қадірлеуге, оларды құрметтеуге, еліне, жеріне, халқына деген сүйіспеншіліктерін арттыру.

Сабақтың әдісі: слайд, сұрақ-жауап, талдау, жинақтау, суретпен жұмыс

Сабақтың типі: дәстүрлі, жаңа сабақ

Сабақтың көрнекі-құралдары: суреттер, слайдтар, интерактивті тақта.

Сабақтың барысы:
І. Ұйымдастыру
ІІ.Психологиялық дайындық. Оқушылар ана тілі, тіл туралы тақпақтар айтады.
ІІІ.Бағдарлау мотивациялық кезең.
1. Оқушы қызығушылығын ояту.
Бұл кім? Ол не? ойыны.
Суреттер: А.Иманов, Ә.Қастеев, Т.Бокин
Сөздер: шұбырынды, ақылғой, Исатай мен Махамбет заманындағы хан

2.Жаңа сабақ.
Слайд көру.
Слайд мазмұны.
Ата бабам тарихы-менің тарихым.
1. Бейімбет Майлин-қазақтың аса ірі жазушысы, ақыны.
2. Б.Майлин суреті.
3. Ол Қостанай облысының Таран ауданында туған. Ауыл мектебінде сауат ашқан. Ол Троицк қаласындағы медреседе, кейін Башқұртстанның астанасы Уфа қаласындағы «Ғалия» медресесінде білім алған.
4. Медресе суреті.
5. Туған әдебиетімізде әңгіме жазудың шебері болып тарихта қалды.
6. Кітаптары.
7. Өлең жолдары.
Жырлағаным-кедейдің жыры,
Сырлағаным-кедейдің сыры.
Сырым да бір, жырым да бір –
Мендағы сол кедейдің бірі.
8. Сабақтың тақырыбы: Б.Майлин «Күлпаш»
9. Сөздікпен жұмыс.
Өрім-өрім – тозған, жыртылған
Бөкебай – басқа жамылатын шәлі
Ызғырық – суық жел
Өлмелі кедей - өте кедей

3.Оқулықпен жұмыс.
Мәтіннің І бөлімін мұғалім оқиды, ІІ бөлімін оқушылар оқиды. Қайталап дауыстап оқыту.

4. Сергіту сәті.
5. Мәтін мазмұнымен жұмыс.
Сұрақтар:
1. Ел басынан немесе Күлпаш басынан өткен бұл әңгімедегі оқиға қай кезеңде болған?
2. Күлпашты суреттеу.
3. Күлпаштың үйін сипаттау.
4. Қали мен Күлпаш, Мақтымның келгенін неге күтеді?
5. «Бәрі де шықпа, жаным, шықпа» деп отырған секілді» дегенді қалай түсінесің?
6. Мақтым мен Күлпаш неге жылады? Олардың тұрмыс жағдайы саған қалай әсер етті?
7. Бұл оқиға бүгінгі күні болса, сендер Күлпаш пен Қалиға қалай көмектесер едіңдер?

6. Мұғалімнің қорытындысы.
1930-1932 жылдары Қазақстан халқының саны алты миллионнан асқан болса, соның екі миллионнан астамы қырылды.

7. Суретпен жұмыс.
- Суретте ел басынан өткен қай кезең бейнеленген?
- Мәтіндегі қарамен ерекшеленген сөздерді пайдаланып, сурет бойынша әңгіме құра.

ІІ. Рефлексия.
1. Кесте толтыру. (Слайд)
Топпен жұмыс.
Кеше Бүгін Ертең

2. Мұғалімнің қорытындысы.
3. Үй тапсырмасын беру. Б.Майлин «Күлпаш» әңгімесін мазмұндау, сөзжұмбақ құрастыру.
4. Бағалау.