Коллеги - педагогический журнал Казахстана
Учительские университеты
| Главная » Статьи » В помощь учителю » Математика |
Математикалық ұрыс
| Семей қаласы №13 орта мектеп математика пән мұғалімі Қияқбаева Айнұр Аманқызы «Математикалық ұрыс» ойын (6,7 сынып) Мақсаты: Білімділік: Оқушылардың ойлау қабілетін, ой ұшқырлығын, оқуға ынтасын арттыру. Дамытушылық: Ұйымдастырушылық қабілетін дамыту. Тәрбиелік: Оқушыларды ұйымшылдыққа, нақты пәнге қызығушылыққа, жауапкершілікке, өзін-өзі тәрбиелеуге тәрбиелеу. Көрнекілігі: Безендірілген зал, нақыл сөздер, плакат, логикалық есептер, әр топқа даярланған үстел. Түрі: Топтық сайыс Типі: Ойын түрінде Жоспары: І – КЕЗЕҢ. “ТОППЕН ТАНЫСТЫРУ ІІ – КЕЗЕҢ. “ БӘЙГЕ” ІІІ– КЕЗЕҢ. “ КАПИТАНДАР САЙЫСЫ” ІV– КЕЗЕҢ. “ ДОДА” Қолданылған нақыл сөздер: “Білімді, интеллектуалды адамдарсыз, озық ғылымсыз Қазақстанның перспективасы жоқ. Қазір адамдардың бәсекелестігі, білімнің бәсекелестігі, ғылымның бәсекелестігі жүруде. Бұған дайындалу қажет.” Н.Ә.Назарбаев Арифметика математиканың, ал математика ғылымдардың патшасы. (К.Гаусс) Ақыл-ойды тәртіпке келтіретін математика. (М.В.Ломоносов) Математика – барлық ғылымдардың тұңғышы және оларға пайдалы да, қажет те. (Р.Бэкон) Қош келіпсіздер, қымбатты ұстаздар мен оқушылар! Математиканың жанкүйерлері! Бүгін біз математиканың қыр-сырымен танысып, көңілді демалып, білім күшімізді сынау үшін жиналдық! І – КЕЗЕҢ. “ТОППЕН ТАНЫСТЫРУ (5-10 ұпай) ІІ – КЕЗЕҢ. “ БӘЙГЕ” Әр топқа 10 сұрақ қойылады, бұл сұраққа тез жауап беру керек.(Әр сұраққа 1 ұпай) 1.Бұрышты өлшейтін құрал? транспортир 2. Қандай сан барлық санға қалдықсыз бөлінеді? 0 3. Ең кіші натурал сан? 1 4. Біздің мемлекетіміздің аты неше әріптен құралған? 9 5. Ұзындық өлшем бірлігі? Метр 6. Санның 100 – ден 1 бөлігі? процент 7. Екі санның қосындысы 8-ге, көбейтіндісі 15-ке, айырмасы 2- ге тең. Бұл сандарды көрсет? 5 пен 3 8. Центрден шеңбердің нүктесіне дейінгі қашықтық? радиус 9. 4 жыл бұрын 20 жастағы адам неше жаста болар еді? 16 10. Екі қатынастың теңдігі ? (пропорция) 11. Үстелде 3 стақан сүт бар.Алмаз бір стақан сүтті ішіп қойды. Үстелде неше стақан бар? 3 12. Екі нүктенің арасындағы түзу? кесінді 13. Ең үлкен уақыт өлшем бірлігі ? (Ғасыр) 14. Миллиард санын жазғанда неше нөл керек? 9 15. Ағаш үстінде 100 торғай отырды. Аңшы 10 торғайды атып алды. Неше торғай қалды? ( 10 торғай) 16. Алмат мектепке 1,5 сағатта жетеді, бірақ кері үйіне асыға барса да 90 минутта әзер жетеді. Айырмашылығын түсіндір. (айырмашылығы жоқ) 17. Үстелдің төртбұрышы бар. Бір бұрышын кесіп тастағанда неше бұрышы қалады? 18. 1/10 санының кері саны? 10 19. ∅ белгісі нені білдіреді ? бос жиын 20. Нанды үш бөлікке бөлу үшін, нанды неше рет кесу керек? 2 ІІІ– КЕЗЕҢ. “ КАПИТАНДАР САЙЫСЫ” (5ұпай) 1-топ: „С” әріпімен басталатын жеті математикалық сөздерді атаңдар (синус, сүйір , сектор , сәуле , сегмент , синусоида , стереометрия , сан) 2-топ : „К ” әріпімен басталатын жеті математикалық сөздерді атаңдар ( косинус , көбейту, куб , конус , кесінді , көлем , координата ) Математикалық сөз құра: 1. ар, ор, ер, мама, тер, ел, ара, арала, терме, ем, ерме, тор, тар. (теорема) 2. бөшке, бөлке, бөле, өкеше, өлше, бөл, шек, бел, лек, кел, шөл, шөк, шел, кеш, ек, еш, ел, өш. (бөлшек) ІV– КЕЗЕҢ. “ ДОДА” Әр топ тан бір-бір қатысудан ортаға шақырамыз. Ұсынылған ұяшықтардың біреуін таңдайсың. МАТЕМАТИКА 1. Квартетте неше әнші бар ? ( 4) 2. Бөлінгіштерінің саны екіден кем болмайтын сан қандай сан деп аталады? (құрама) 3. 666 = 30 теңдігін дәлелде ( 6*6-6 = 36-6=30) 4. 50-ді 1/2бөлгенде нәтиже неге тең? ЛОГИКАЛЫҚ СҰРАҚТАР 1. 99-44=77; 33+44=77 2. Көбейту, қосу, бөлу амалдарды қолданып, теңдігін дәлелде 333333 = 100 (33 * 3 + 3:3 = 100 ) 3. 2,5 таяқтың неше ұшы бар ?(6) 4. Балықшы 2 минутта 4 балық аулайды. Осындай сегіз балықты неше минутта аулайды? (Қармағына ілінгенше ) ТАРИХИ СҰРАҚТАР 1. Тұңғыш Президентіміз қай жылы, қай айда тұңғыш рет сайланды? (01.12.1991 ж) 2. Әнұранның 1- ші шумағы неше сөзден құралған ? ( 21) 3. Астана қаласының бейресми символына айналған ғимарат, бәйтеректің биіктігі ? (97 М ) 4. Ұлттық валюта қашан қабылданды? Құрамында қанша тақ сан бар ? ( 1993 жылы, 15 қараша) САНДАРДЫҢ ҚҰПИЯСЫ 1. Үш санына қатысты «Үш алыс» және «Үш бақыт» деген сөздердің мағынасын түсіндір. (ҮШ АЛЫС – жер мен көк, алыс пен жақын, жақсы мен жаман ҮШ БАҚЫТ -Халық, Тіл, Отан.) 2. 4 санына байланысты «Әлемнің 4 құраушысы» , « Төрт ана» мағынасын түсіндір ( От. Су. Жел. Жер), ( Туған жер, туған тіл, Салт – дәстүр, туған тарих) 3. 5 санына қатысты « 5 қару», «5 қатер» сөз дерінің мағынасын түсіндір. ( Садақ. Мылтық. Найза. Қылыш. Айбалт) (От. Жау. Борыш. Ауру. Сөз) 4. 7 санына байланысты. 7 – қазына және 7 – күн ( ер жігіт, сұлу әйел, берен мылтық, ақыл, білім, жүйрік ат, қыран бүркіт, жүйрік тазы), ( бүгін, ертең, бүрсігүні, арғы күні, ауыр күні, соңғы күні, азына) Осымен біздің сайысымыз аяқталды. Әділ қазылар қорытынды шығарғанша, көрермендермен ойын: 3,5 таяқтың неше ұшы бар? 8 Он қолмен шеңберді, сол қолмен үшбұрышты сыз. | |
| Просмотров: 2458 | |
Вторник, 2026-06-02, 11:00 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|