Тренинг тақырыбы: « Команда құру» тренингі
Тренингтің мақсаты:
1. Оқушыларға басқа адамдармен өзара әрекет жасау дағдыларын қалыптастыруға көмектесу және мүмкіндігіше сайыстық принципті іскерлік принципке ауыстыру;
2. Командада жұмыс істеуге үйрену мүмкіндігін беру, өзін- өзі тануды дамыту, өзінің және басқалардың қиын және көпсатылы міндеттерді бірге шешуге жағдай туғызатын жеке қасиеттерін бағалауға үйрету;
3. Әрбір адамда басқа адамдармен өзара әрекет жасағанда және қызметтес болғанда батылдық пен құзыреттілікке тәрбиелеу.
« Ғарыштық жылдамдық» жаттығуы
Жаттығу мақсаты:
1. Қойылған міндетті орындау тактикасы мен стратегиясын топпен шешім қабылдау арқылы дағдыларын қалыптастыру;
2. Топтың және оқушының өздігінен ашылуына бағдар беру.
3. Топты ұжыммен жұмыс жасауға үйрету, топтық , ұжымдық шешім қабылдауда бірін бірі тыңдау тәрбиесіне үйрету.
Жаттығудың көрнектілігі: доп немесе ойыншық. Сыныптағы орындықтарды дөңгелете қою керек.
Сабақтың түрі: тренинг, жаттығу жүргізу
Сабақтың барысы:
"Көңіл күй ".
Уақыты: 5 минут.Іскерлікке қолайлы жағдай жасау үшін орындалады. Жұптарға бөлініп, қолдарымен ұстасып, беттің мимикасы арқылы қазіргі уақыттағы өздерінің көңіл- күйлерін бейнелеуі тиіс. Оқушыларды щеңбер бойымен тұрғызып қоямын.
Үдеріс:
Жаттығуға нұсқау:
1. Допты кез-келген тәртіпте шеңбер бойымен бір бірімізге беруіміз керек. Доп әрбір қатысушыға бірақ рет түсуі тиіс. Сонымен қатар, допты оң жақтағы және сол жақтағы көршіге бере алмайсыздар.
2. Жаттығуды күрделендіру:
• Тура осы жаттығуды анықталған уақытта ғана орындау;
• «Осы уақыттан да тезірек орындай аласыңдар ма?» сұрақ қою
• Басқа да тәсілдерді осы берілген уақытта орындау. (Мысалы, осы тапсырманы екі, үш ойыншықпен жүргізу).
« Зияткерлік футбол» жаттығуы
Кейбір команда құру тренингтері мынадай схема арқылы жасалады:
Қатысушылар жұптарға бірігеді және қандай да бір уақыт осылай жұмыс істейді. Содан кейін біраз уақыт аралығында қатысушылар шағын топтармен жұмыс жасайды. Тренинг үлкен жалпы топтық жаттығумен аяқталады. Қазіргі жаттығу ортасынан бастап осы схема бойынша құрылған.
Үдеріс:
1. Класстың барлығы футбол ойынындағыдай екі командаға бөлінеді. Оларда қорғаушылар, шабуылшылар және қақпашы бар. Әр команда қарсы командаға әр түрлі тақырыптарға (кино, спорт, саясат, өнер, т.б.)5-7 сұрақ ойлап табуы керек.
2. Команда сұрақ қояды және қарсы жақтың шабуылшысына допты лақтырады. Егер шабуылшы сұраққа жауап бере алмаса, допты қорғаушыға, содан кейін қақпашыға береді. Егер бұл жағдайлардың барлығында да жауап болмаса, онда гол есептелінеді.
« Киімдерден жасалған арқан» жаттығуы
Команда құру тренингіне арналған келесі жаттығу. Бұл талас, дау туғызатын жаттығу.
Үдеріс:
1. Сыныптағы оқушылардың санына сәйкес әр бір командада 5-7 адамдар болатындай етіп қатысушыларды бөліңіздер.
2. Тапсырма: Оқушылар өздерінде бар киімдерден неғұрлым үлкен арқан байлау керек. Қай топтың байлаған арқаны ұзын болса, сол топ жеңіске жетеді.
Қорытынды жасауда неге назар аудару қажет?
• Жаттығудың идеясын түсінуге;
• Басқа қатысушыларға түсінушілікпен қарауына;
• Шешім қабылдауына;
• Тәртібінің және қылықтарының өзгеруіне;
• Әрбір қатысушының көңіл күйінің өзгеруіне.
Жүргізушінің сұрақтары бейтарап және еркін таңдау жасауға, саралауға және фантазиясын еркін жеткізе алатындай болуы тиіс.
• Сендердің ойларыңызша бұл жаттығудың мақсаты неде?
• Сендер осы жаттығуды орындауда қандай сезімде болдыңдар?
• Жаттығуды өткізу мезетінде не өзгерді?
• Жаттығуды орындауда қандай шешімге келдіңіз? Бұл шешімге неліктен келдіңіз?
• Бұл жаттығуды топтық деп атар ма едің? Неліктен? Командалық жұмысқа арналған ойындар:
Құмырысқа жолы. Сынып оқушылары екі топқа бөлінеді және ұзын ағашқа ортадан екі жаққа тұрады. Міндеттері: екі топтағы қатысушылар орындарын ауыстырулары тиіс. Егер біреуі жерді басып кетсе немесе жерге аяғын тигізіп алса, жаттығу қайтадан басталады.
Жаңғақтар: Сыныптағы әрбір оқушыға греция жаңғағы беріледі. Оған назар сала отырып қарап және еске сақтау керек. Сондан кейін жаңғақтар ды бір жерге жинап оларды араластырады ( тапсырманы киындату үшін тағы да жаңғақтар қосқан жөн). Әрбіреуі өзінің жаңғағын тауып алуы тиіс. Аса қиын нұсқасы тура осыны көзді байлау арқылы жасау. Осыдан кейін шеңбер бойымен әрбіреуінен өзінің жаңғағын қалай тауып алғаны жөнінде сұрайды. Талдау кезінде барлық адамдар бірдей болып көрінетіндігін, ал шындығында олар өте өзгеше болатындығы айтылады Көбінесе қатал, көріксіз қабыршақтың ар жағында нәзік және сезімтал адам жасырынуы мүмкін.
|