| Сабақ жоспары ашық сабақ 4 а сынып
Сабақтың тақырыбы: Дәстүр-асыл қазына"
Мақсаты: Салт - дәстүрлер туралы білетін мағлұматтарын толықтыру.
Білімділік: Салт дәстүрлер туралы бұрын алған білімдерін пысықтап, отбасы дәстүрлерін талдау арқылы коммуникативтік құзыреттілікті қалыптастыру. Ұлттық құндылық, мұра сөздерін меңгерту;
Дамытушылық: оқып түсіну, тыңдап түсіну арқылы мәтін мазмұны бойынша сұрақ қою, әр түрлі жағдаятта сұхбатқа түсу дағдыларын жетілдіру және еңбекқорлыққа, белсенділікке,ұлттық бұйымдар мен заттарды есте сақтай білуге дағдыландыру.
Тәрбиелік: Оқушылар бойына халқымыздың рухани байлығын сіңіру, ұлтымыздың дәстүрлерінен үлгі алу және жалпы дүниетанымын кеңейту, қазақ халқының дәстүрлерін құрметтеуге тәрбиелеу.
Құзыреттіліктер: Сабақ мазмұны арқылы – пәндік; интерактивті тақта арқылы – ақпараттық; салт дәстүрлер туралы мәліметті талдау арқылы – коммуникативтік құзыреттілік қалыптастыру.
Типі: жаңа білімді меңгерту.
Түрі: қайталау- бекіту, дамыта оқыту.
Әдіс тәсілдері: интерактивті әдіс, проблемалық сұрақтар, жағдаят(ситуациялық диалог), сын тұрғысынан ойлау, лексикалық ойын, әңгімелеу.
Сабақ барысы: 1. Ұйымдастыру кезеңі.
Сәлемдесу. Оқушыларды сабаққа ынталандыру, сәттілік тілеу.
Балалар , бүгінгі сабақ ерекше сабақ, сабағымыздың мақсатына жету үшін,бір –бірімізге жылы ниетпен қарауымыз керек. Сондықтан орнымыздан тұрып, бір - біріміздің қолымыздан ұстап, жақсы тілектер айтайық.(қазақ,ағылшын тілдерінде);
(қайырымды бол.ұқыпты бол,әдепті бол,адал бол,ақылды бол,әдемі бол,денің сау болсын,сабақты 5-ке оқы.)
Қызығушылығын ояту кезеңі: (Англия елінен келген қонақтарды қарсы алу.)
Хош келіпсіздер!(хормен айтылады.)
Батырхан: арнауы айтылады.
Батырхан: Бүгін біз сіздерге қазақ халқының салт дәстүрлерімен ,оның ішінде қазақтың ұлттық тағамдары,ұлттық киімдері,дәстүрлі бұйымдары жайлы айтқымыз келеді.
Ал ,ендеше балалар тақтаға назар аударайық. Слайд - шоу «Қазақтың салт – дәстүрлері»
1-ші салт дәстүріміз не туралы екен? Бесікке салар және тұсау кесер. Арина А. Дима К.
Келесі дәстүрімізге көшейік .Бұйымдар – әбдіре, аяққап. Мария,Марк Ч.
Әрі қарай дәстүрімізді жалғастырайық. Ұлттық киімдер – бөрік. Батырхан.
Келесі дәстүрімізге көшейік.Ұлттық тағамдар – бесбармақ,бауырсақ. Рахат,АдинаМ
Мұғалімнің кіріспе сөзі:– Иә, балалар, салт дәстүрлер өте көп. Олар: тәрбие дәстүрлері, отбасы дәстүрлері, діни дәстүрлер, наурыз дәстүрлері, еңбек дәстүрлері болып бөлінеді. Біз сіздермен қандай дәстүрлердің түрлеріне тоқталдық ? (тәрбие дәстүрі,отбасы дәстүрлері,наурыз дәстүрлері және еңбек дәстүрлері ) Дұрыс айтасыздар. Төрт түлік мал жайлы Англиядан келген қонақтарымызда да жақсы біледі екен. Олай болса төрт түлік малдың дыбыстауы туралы тыңдап,қай жануардың дыбысы екенін анықтап көрейік. (сиыр,қой,жылқы,ешкі,түйе т.б.).
Ал енді балалар ерте заманда қазақ халқы мал шаруашылығымен айналысқан және көшпенді халық болғаны жайлы бәріміз білетін болармыз.Ендеше олар көшіп қонуға ыңғайлы қандай үйде тұрған? Киіз үйде тұрған. Дұрыс айтасыздар. Кәнеки ендеше, киіз үй туралы алдарыңыздағы мәтінмен жұмыс жасайық.Қазақ тілінде,ағылшын тілінде мәтін бойынша түсінгенімізді айтып беруіміз керек.
Мәтін бойынша жұмыс.
1. Мәтінді түсініп оқып, қазақшаға аударыңыздар. (жеке жұмыс).
2 - тапсырма. 1. Әр қатар бір мәтіннен алады.
3-тапсырма . Көп нүктенің орнына тиісті сөздерді қойып,көшіріп жазыңыздар.
Тестпен жұмыс .
Кластер. Балалар ,енді бүгінгі сабағымызға байланысты қазақ халқының дәстүрлері туралы нені білдік, қандай сөздерді меңгердік ,сол туралы қазақ тілінде және ағылшын тілінде жазып көрейік.
Балалар, сендердің ойларыңша, салт – дәстүрлер бүгінгі қоғамға керек пе? Неге?
Оқушылардың пікірін тыңдау.
Бағалау.
Үйге тапсырма беру. «Маған ұнайтын қазақтың салт – дәстүрі» тақырыбынашағын әңгіме жазу.
|