Адам мен адамды, халық пен халықты жақындастыратын құрал –тіл. Тіл – достықтың кепілі, ел татулығының негізі. Қазіргі таңда, алға қойылған мақсаттардың бірі ұштұғырлы тіл болғанымен, Елбасымыз: «Қазақ тілі үш тілдің біреуі болып қалмайды. Үш тілдің біріншісі, негізгісі, бастысы, маңыздысы бола береді. Қазақ тілі – Қазақстан Республикасының мемлекеттік тілі» - деп атап көрсеткен. Демек, біз, Қазақстан азаматы ғана емес, оның мемлекеттік тілінің дамуына, ұлт арасында деңгейін көтеруге жан талмай ат салысуымыз керек.
Осы тұрғыда, біздің басты мақсатымыз не? Басты мақсатымыз: мемлекеттік тілдің қолдану аясын кеңейту, мәртебесі мен маңызын кеңінен насихаттау, өзге ұлт өкілдері арасында қазақ тілін білу деңгейін көтере келе, оқып үйренуге деген ықыласы мен қызығушылығын арттырып, патриоттық сезімін оятып, тілін, Отанын, елін, жерін сүюге, салт-дәстүрін, тарихын құрметтеуге тәрбиелеу. Осындай мақсаттарды алға қоя отыра «Тілдер шеруі» атты айлыққа сай мекте директоры Искаков Е.С. № 7 ЖОББ мектеп-лицейінде тілдер күні мерекесіне орай онкүндік іс-шаралары ұйымдастырылды. Іс-шараға оқушыларда, ұстаздар да белсене ат салысып, өздерін білімділік, біліктілік жағынан көрсете білді. Негізгі іс-шараларды атап өтсек: 7-11 сыныптар арасында қазақ тілі мен әдебиет пәнінің мұғалімі М.Қ.Абетаева «Тілім менің тірлігімнің айғағы» лездеме өткізді. Лездемеде тіл туралы шағын баяндама оқылып, қазақ тілі пәнінің мұғалімдері Тілдер күні мерекесінің жоспарымен таныстырып өтті. Сонымен қатар, Қазақ тілі мен әдебиеті пәнінің мұғалімдері Г.Ж.Рамазанова 2 сыныпта «Тіл - достықтың тірегі» атты сайыс сабақ, А.С.Мусина 6 сыныпта «Ана тілің – арың бұл» атты сынып сағатын және "Тіл - достықтың алтын көпірі" атты тәрбие сағатын, 4 сыныптар арасында А.Д.Мухаметжанова мен А.М.Пазылова Полиглот сайысын, Р.А.Домбаланова, В.К.Балтабаева «Ана тілің - арың бұл» тақырыбында 5 сыныптар арасында сайыс, Г.М.Сабитова "Тіл мәртебесін ұлықтайық" тақырыбында 5 қазақ сыныбында сайыс сабақ, 9-сынып оқушылары арасында «Білім шыңы» тақырыбында Г.К.Шалаганова интеллектуалды сайыс өткізілді. Сынақ сабақтардан бір бөлек 5-11 сынып оқушылары аралығында В.К.Балтабаева «Тіл - ұлттың тірегі» атты суреттер көрмесі және де кітапхана меңгерушісі Е.Ф.Арифьева «Тіл – әр халықтың байлығы» атты Қазақстан халықтарының тілдері күні мерекесіне арналған кітап көрмесі ұйымдастырылды.
Осындай онкүндік іс-шаралардың нәтижесінде оқушылардың тыңдау және есте сақтау қабілеттері арқылы сайыс тапсырмаларына нақты жауапты ойлылықпен айта білетіндіктері байқалды. Жан-жақты білім танымдылықтары арқылы ізденіс, талпыныс мүмкіндіктері көрінді. Сөйлеу дағдысы жақсы қалыптасқан, тіл мәдениетінде нақты жауап беру ұшқырлығы сыналды. Ұлт бар жерде – тіл бар. Демек, ауыз біршілік осы тілден бастау алады. Қазақстан Республиксында дүниеге келіп, өмір сүре жүріп мемлекеттік тілің қастерлей білмеу әрқайсысымызға ұят дер едім. Сөйте келе, «Тілдер шеруі» атты айлық «Өзге тілдің бәрін біл, өз тіліңді құрметте» айдарымен қорытындыланды.
Кез келген тілдің болашағы - балалардың, жастардың қолында екені бәрімізге аян. Балалардың тілді білмеуі, ұмытуы - ұлтқа төнген қауіп. Сондықтан ең әуелі әрбір азаматтан емес әрбір отбасынан бастау алғаны жөн. Тілді сыйлау – мемлекетті сыйлау, ұлтты сыйлау екенін ұмытпағанымыз жөн!
|