Сабақтың барысы:
І. Ұйымдастыру кезеңі:
Амандасу. Түгендеу. Оқушылардың зейінін сабаққа аудару.
ІІ. Жаңа сабаққа даярлық.
- Біз қай республикада тұрамыз?
- Қазақстан Республикасының рәміздерін атаңдар.
- Қазақстан Республикасының оңтүстік астанасы?
- Қазақстан Республикасының солтүстік астанасы?
- Қазақстан Республикасының мемлекеттік тілі – қай тіл?
ІІІ. Жаңа сабақ.
Мұғалімнің кіріспе сөзі.
"Адамға екі нәрсе тірек тегі
Бірі-тіл, бірі-ділің жүректегі”-деп Жүсіп Баласағұни бабамыз айтқандай кез келген мемлекеттің, елдің ең негізгі рәмізі де, ұраны да, ерекшелігі де, тірегі де сол елдің ана тілі болмақ.
Біздің мемлекеттік тіліміз-қазақ тілі. Біздің Отанымыз- Қазақстан.. Қазақстан Республикасының өз елтаңбасы, әнұраны, туы бар. Сонымен қатар өз тілі бар.
Көп тіл білсең көкжиегің кең болар,
Құрметтейді кісі екен деп төрге озар.
Қай елде жүрсең де бұл дұрысы,
Мемлекеттік тілді үйренген жөн болар.
Тілді ардақтап, сол тілде сауатты сөйлеп, ойымызды жеткізе білсек, нұр үстіне нұр. - Балалар, сендер ана тілі туралы қандай өлең жолдарын, мақал-мәтелдер білесіңдер?
Али
Ақыл – ойын дананың,
Ана тілден аламын.
Ана тілім ардақты
Ақ сүтіндей анамның
Өсірген ой, білімді
Сүйем туған тілімді.
Мақсат етем әр сөздің
Мәнін терең білуді.
Кәрім
Тілімде менің
Байлығы жатыр ғаламның,
Кеңдігі жатыр даламның
Қаныма сіңген,
Жаныма сіңген сүтімен
Мейірім менен
Махаббаты жатыр Анамның!
Мариям:
Туған тілім тірлігімнің айғағы,
Тілім бар да- айтылады сыр ойдағы
Өссе тілім менде бірге өсемін,
Өшсе тілім мен де бірге өшемін
Адлет
Туған тіл атауы –
Ежелгі біздің қазақ тіл,
Осы тілді жек көрген
Дүниеден қалар құр.
Бағаласаң шынымен,
Баба тілің – асыл–дүр
Ильнур
Туған жері – түп қызығы айбыны,
Туған тілі – сатылмайтын байлығы,
Туған дәстүр, салт – санасы тірегі,
Қадамына шуақ шашар үнемі
Полина
Мейірі мол балаға,
Барлық, барлық анаға.
Басымызды иесіз,
Бабамыздың тілі деп,
Даламыздың үні деп,
Ана тілін,
Ана тілін,
Ана тілін сүйеміз.
Ерасыл
Ана тілім – ұраным,
Ана тілім –құралым.
Ана тілім болмаса,
Мықты болмас тұрағым.
Ана тілім –елдігім,
Ана тілім – ерлігім,
Ана тілім болмаса,
Бүтінделмес кемдігім.
Камила
Өзге тілдің бәрін біл,
Өз тіліңді құрметте.
Никита
Ана сүі бой өсіреді
Ана тілі ой өсіреді.
ІV. Сөздік жұмысы.
ана тілі – родной язык
ұғым – понятие
ой – мысль
ұрпақ – поколение
халықтың игілігі – достояние норода
рухын – дух 1. Сөздерді дұрыс айтуға дағдыландыру:
а) сөздерді мәнерлеп оқимын;
ә) оқушылар дауыстап қайталайды;
2. Сөйлемдер құрату.
Әр халықтың өз ана тілі бар. Ана тілі – біздің қазынамыз. Әр ұлттың ана тілі – халықтың игілігі. V. Сахналық қойылым. Абай Құнанбаев.
«Шегіртке мен құмырсқа» VІ. Тіл буынсыз, ой түпсіз (қазақ тілі туралы нақыл сөздер жарысы)
Ана тілін ұмытқан адам өз халқының өткенінен де, болашағынан да қол үзеді.
Ғ. Мүсірепов
Туған тіл сөзі – ақыл-ой дамуының негізі және барша білімдердің қазынасы.
К.Д.Ушинский
Қазақ тілі түркі тілдерінің ішіндегі ең таза, әрі бай тілгежатады.
П.М.Мелиоранский
Кейбір ұл-қыздарымыздың ана тілімізді білмеуі, не шала білуі мені қатты қынжылтады. Бұған ең алдымен ата-ана кінәлі.
Б. Момышұлы
Тіл пайдасы ұшан теңіз,
Зияны да сонша деңіз.
Ж.Баласағұни
Халық өз тілінен айырылған кезде харакетінен де айырылады.
И. Кант
Екі тілдің мәдениетін бойға сіңіру ол адамды кең тынысты етеді.
М. Әуезов
Ана тілі туралы бес жол өлең құрастыру.
1. Тіл
2. Ана, ұлы
3. Үйретеді, байытады, білім береді.
4. Өз тілің – өскен өркенің
5. Мәдениет
VІІ. Сергіту сәті «Қарға жорға» VІІІ. Сабақты бекіту.
Сұрақ-жауап әдісі арқылы:
1. Ана тілі дегеніміз не?
2. Сенің ана тілің қай тіл?
3. Сен ана тіліңді кімнен үйрендің ?
4. Сен қазақ тілін неге үйреніп жүрсің?
ІХ. Бағалау. Оқушылардың білімін бағалау. Марапаттау.
Х. Үйге тапсырма. Шағын шығарма. [i][b]
|