Сабақтың тақырыбы: Он алтыншы желтоқсан
Сабақтың мақсаты: Он алтыншы желтоқсан туралы алғашқы білімдерін кеңейтуге көмектесу
Сабақтың міндеттері:
• Оқушыларға желтоқсан оқиғасының тарихы туралы танысып, білімдерін кеңейтуге қолайлы орта туғызу
• Балаларға мәтінмен таныса отырып, саралау, сипаттау жұмыстарын жүргізуге көмектесу
• Жеке, жұпта, топта жұмыс жасау арқылы бір-біріне ойын, пікірін ашық айтуға орта құру
Күтілетін нәтижелер:
• Сабақ соңында оқушылар желтоқсан оқиғасы туралы білімдерін өзгелермен бөлісе алады.
• Жалтоқсан оқиғасын әлемде болып жатқан басқа оқиғаларымен салыстырып ажырата алады. Оқиғаның құрбандары туралы айтып бере алады.
• Жеке ойларын ортаға сала алады. Топқа ойын жеткізе алады.
Нәтижені бағалау және тексеру:
Алғашқы білімдерін толықтыру үшін, кластер толтыру. Эссе арқылы бағалау. Алған білімдерін ортаға салады (топтағы басқа балалардың ойын жеткізеді)
Қажетті материалдар: Желтоқсан құрбандарының суреттері, ватман, мәтіндер.
Сабақтың барысы:
І. Қызығушылықты ояту сатысы: Желтоқсан оқиғасы туралы қысқаметражды фильм көрсетіледі.
Мұғалімнің сұрағы:
-Желтоқсан оқиғасы туралы не білесіңдер?
Балалар өз ойларын кестенің бірінші бағанына жазады.Жұпта талқылайды. Әр топтың ойларын мұғалім тақтаға жазады.
ІІ. Мағынаны ажырату сатысы: Оқулықпен жұмыс.
Он алтыншы желтоқсан
Он алтыншы желтоқсан
Тәуелсіздік алған күн.
Ерекше боп мәңгілік
Ел жадында қалған күн.
Жасай берсін ұлы күн,
Үміті боп елінің.
Ақ күні боп баланың,
Шаттығы боп шалдардың.
Он алтыншы желтоқсан –
Елдің ұлы мейрамы.
Жаңа шыққан көктемдей,
Жаз күніндей жайдары.
Арымыздай тапөтаза,
Жанымыздай шуақты.
Көтерілді биікке
Қазақстан байрағы.
Он алтыншы желдтоқсан –
Ел мерейі тасыған,
Қазақ деген қалың жұрт
Бәрін кешті басынан.
Естісін ел үніңді,
Дүние түгел естісін,
Тәуелсіздік туыңды
Биік көтер, жас ұлан!

Өлеңді жеке оқып, талқылап болған соң, өз жанұя топтарына келеді. Жанұя топтарында әрқайсысы өздерінің алған білімдерімен бөліседі.
Әр топтан бір спикер өздерінің алған білімдерінен қорытынды шығарып, айтып береді.
ІІІ. Ой толғаныс сатысы:
Сұрақтарға жауап:
Тәуелсіздік дегенді қалай түсінесің?
Желтоқсан көтерілісі туралы не түсіндіңдер?
Желтоқсан оқиғасына байланысты сурет салып, әр топ презентация жасайды.
Сабақтың басындағы жазған алғашқы білімдерімен салыстырамыз.
Эссе жазу: «Менің елім» тақырыбына өз ойларын жазады.
Бағалау: критерийлер бойынша бағалау
Үйге тапсырма: Желтоқсан оқиғасы туралы жаңа ақпараттарды интернет көздерінен іздеу.

[c]