Бурабайдан тіл қатты есімдіктер

Сабақтың мақсаты:
Білімділік: оқушылардың грамматикалық білімдерін тереңдету, жаңа мәтінді меңгерту, жаңа сөздерді дұрыс қолдана білу.
Дамытушылық: Оқушылардың танымдық белсенділігін арттыру, ойын және тілін дамыту.
Тәрбиелік: Оқушының табиғатқа деген аялы көзқарасын қалыптастырып, сүйіспеншілік сезімін ояту.
Сабақтың түрі: Жаңа сабақ.
Сабақтың әдісі: сұрақ-жауап, әңгімелесу, жаттығулар, түсіндіру, сөзжұмбақ.
Сабақтың көрнекілігі: интерактивті тақта,табиғатқа байланысты бейнефильм, кеспе, тест тапсырмалар.
Сабақтың барысы:
І. Ұйымдастыру кезеңі:
Оқушыларды сабаққа жұмылдыру, түгелдеу.
ІІ.Үй тапсырмасын тексеру:
а) Үйден жазып келген сөйлемдерін оқыту,есімдіктерді атап, синтаксистік қызметін көрсету.
б) Мұғалімнің кіріспе сөзі: «Қайталау – оқу анасы,
Мақалдың бір данасы.
Өткенді еске түсірсең,
Ешкімнің жоқ таласы»,- демекші балалар,біз есімдік және оның түрлерімен таныстық.Өткен сабақты пысықтау мақсатымен сендерге қойылатын сұрақтар.
1.Есімдік дегеніміз не? ережені сұрау.
2.Есімдіктердің түрлерін атап, мысал келтіру.
3.Тақтада жазылған өлең шумағынан есімдіктерді тауып, қай түріне жататынын айту?
«Мен» деген сөз қазақша мақтан дейді,
«Сен» деген сөз көрсеттім сақтан дейді,
«Ол» деген сөз сілтеме әлдекімге,
«Біз» бен «Сізден»бастаған асқан дейді.
в) Тест жұмысы.
1. Әкесі оның талабына риза болды. Есімдіктің қызметін көрсет.
а)толықтауыш ә)анықтауыш б)пысықтауыш
2.Жатыс септігінде тұрған есімдікті көрсет.
а)өзіме, өзіне ә)өзімді, өзін б)өзімде, өзінде
3. «Орынбасар» сөзі қай сөз табына тән.
а)зат есім ә)есімдік б)шылау
4.Үш есімдік қатысқан сөйлемді көрсет.
а)Өзің маған келіп кетші.
ә) Мен оған сенің жағдайыңды айттым.
б) Өзіңе қолайлы жер ізде.
5.Есімдік мағынасына қарай нешеге бөлінеді?
а) жетіге ә)алтыға б) екіге
ІІІ. Ой шақыру (қызығушылықты ояту)
Сабақты қазақтың көрнекті ақыны С.Сефуллиннің өлеңімен бастау.
Сексен көл Көкшетаудың саясында,
Әрқайсы алтын кесе аясында.
Ауасы дертке дауа, жұпар иісі-
Көкірек қанша жұтсаң тоясың ба?
1. Бұл өлең не туралы?
2. Атақты Бурабай көлі қайда орналасқан?
3. «Қазақстан Швейцариясы» деп неге атайды?
ІҮ. Жаңа тақырып. Кіріспе.
Табиғат Сарыарқаның алтын төсіне асыл алқа – Көкшетауды сыйлағандай. Сұлулығымен аты аңызға айналған Бурабай өңірі дара біткен арудай. Мол асыл арудың әрбір тасын, мөлдір суын, қайыны мен қарағайын халық әнге қосып, аңызға айналдырған.
Ү. Бурабайдың табиғатына байланысты бейнефильм (слайд) көрсету.
ҮІ. Сөздік жұмысын өткізу. Жаңа сөздерді қатыстырып, сөз тіркесі мен сөйлемдер құрастыру.
ҮІІ. Мәтінмен жұмыс.
а) Мәтінді мәнерлеп оқу, аудару, мазмұнын түсіну.
ә) Мәтіннен есімдіктерді тауып,сұрақ қою арқылы қай сөз табының орнына қолданып тұрғанын және түріне ажыратып, қосымшасын белгілеу. (жазбаша)
ҮІІІ. « Кім жылдам?» ойыны. Табиғат,туған жер тақырыбына байланысты мақал-мәтелдерден жарыс. Мысалы:
Әркімнің өз жері – жұмақ.
Ел іші – алтын бесік.
Пәлен жерде пайда бар, өз жеріңдей қайда бар?
ІХ. «Көкшетау» әнін тыңдата отырып, Бурабай өңірі туралы қысқаша эссе жаздырып, жазылған жұмысты оқытқызу, әннің сөзін беру.
Х.Сабақты қорытындылау(Рефлексия)
ХІ. Сабақты бағалау.
ХІІ.Үйге тапсырма . «Көкшетау» әнінің сөзін жаттап келу.