Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Статья
| Тәуелсіздікке – 20 жыл 20 жыл, тәуелсізбін, дербеспін, Күмәндана қоймас бүгін енді ешкім. Бодандығым ғасырларға жалғасқан, Қазір, міне артта қалды келмес күн. Халқымыз осы айда екі ұлы тарихи күнді атап өтпек. Олар – Қазақстанның мемлекеттік тәуелсіздік алуының 20 жылдығы және Қазақстандағы Желтоқсан көтерілісінің 25 жылдығы. Қазақстанның дербестігі мен тәуелсіздігіне деген халықтың жұмылған ерік-жігерін алғаш рет осы көтерілістен байқадық. Желтоқсандықтар уақыт талабына лайықты үн қата білді. Осы уақытқа дейін оның қасіретін ғана сөз етіп келдік. Ендігі жерде оның шынайы мәні, яғни осы оқиғадағы отансүйгіштік пен қаһармандық туралы айтылуы керек. 1986 жылғы оқиға қазақ жастарының жүрегінде өз ызғарын қалдырса да, сол қанды оқиға ел тәуелсіздігінің бастамасы ретінде ұлы өзгерістерге жетелегені даусыз. Еліміз егемендігіне жиырма жыл. Бұл тарих үшін қас-қағым сәт қана болғанымен бір адамның ғұмыры үшін елеулі оқиғаларға толы айтарлықтай уақыт. Алды-артыңды болжап, алыс-жақынды зерделер, ертеңінді елеп-екшер мұратты мерзім. Осы аралықта еліміз еңсесін көтеріп, халқымыз қомданып, оң-солын айыра бастады. Бұдан жиырма жыл бұрынғы қазақстандықтар мен бүгінгі отандастарымызды салыстыруға болмайды. 1991 жылы 16 желтоқсанда сол кездегі Жоғарғы Кеңес "Қазақстан Республикасының мемлекеттік тәуелсіздігі туралы" Заң қабылдады. Міне, осы тарихи маңызы зор құжат қазақ халқының өз алдына дербес мемлекет болуды аңсаған ғасырлар бойғы арманын жүзеге асырды. Ол ұлтымыздың мәдениеті, салт-дәстүрі мен тілін қайта жаңғыртуға және дамытуға, ұлттық мақтаныш сезімін нығайтуға жол ашты. Қазақстан осы кезеңдерде қоғамдық және экономикалық жағынан өсіп, өркендеуі жөнінен ТМД елдерінің ішінен көш ілгері келеді. Біздегі саяси-демократиялық жүйе өзінің динамикалық бір қалыпты дамуымен ерекшеленеді. Еліміз тәуелсіздік алған 20 жыл ішінде саясат сахнасына қаншама партия шықты. Осының өзінен-ақ еліміздегі демократия үрдістеріне кеңінен жол ашылып отырғанын айқын аңғаруға болатындай. Әлем картасынан ойып тұрып орын алған Астанамыз Арқа төсінде күннен-күнге бойжеткен арудай ажарланып, бой түзеп келеді. Тәубә дейік. Дос сүйсініп, дұшпан күндейтіндей әлемдік өркениетке лайық жаңа қала салып жатсақ, оған азуын айға балаған елдердің назары ауып, мойындап жатса, бұл да Тәуелсіздігіміздің жемісі емес пе?! Көгінде қыраны қалықтаған көгілдір туымыз желбіреп, Елтаңбамыз жарқырап, Әнұранымыз шарықтаған сәтте кеудемізді ерекше сезім кернейтіні анық. Олай болса, азаттығымызды айғақтап, қазақтығымызды мойындатқан күн құтты болсын! Еліміздің ертеңі жарқын болғай! Қанатты жастарымыз Қазақстан атты елдің мерейін асқақтата берсін! № 2 гимназия мұғалімі Қауменова Айнагүл. | |
| Просмотров: 1088 | Комментарии: 1 | |
Четверг, 2024-12-19, 1:57 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|