Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Қала дүкендеріне саяхат
| Шығыс Қазақстан облысы Семей қаласы «№ 18 жалпы орта білім беретін мектеп» ММ Пән: қазақ тілі Сынып: 3 сынып Мұғалім: Медетова Анара Қанатқазықызы Семей - 2011 ж. Сабақ жоспары Сынып: 3 «Б» Күні: 14.12.2011 ж. Мұғалім: Медетова Анара Қанатқазықызы Сабақтың тақырыбы: Қала дүкендеріне саяхат Білімділік: Модуль бойынша жоспарлы тапсырмаларды орындау, жаңа сөздерді меңгерту, үйренген сөздерін ауызекі сөйлеуде қолдана білуге дағдыландыру. Дамытушылық: Оқушылардың сауатты оқу, жазу дағдыларын қалыптастыру, ойлау қабілетін дамыту. Интерактивті тақтамен жұмыс жасай алуға баулу. Тәрбиелік: Нанның қасиеті туралы толығырақ айтып, балаларды үнемшілдікке тәрбиелеу, өз затына ұқыппен қарауға баулу. Сабақтың көрнекілігі: Суреттер (дүкендердің, Семей қаласының слайдтары), жұлдызшалар, үлестірмелі кеспелер. Сабақтың түрі: Саяхат сабақ Сабақтың барысы: І Ұйымдастыру кезеңі: Сәлеметсіңдер ме, балалар! Отырыңдар. Сабақта кім жоқ? ІІ Жаңа тақырып: Мақсаты: Жаңа тақырыпқа байланысты жаңа сөздерді үйрету. Тақырып бойынша әңгіме айта білуге үйрету. Балалар, біз қай қалада тұрамыз? Біз Семей қаласында тұрамыз. Семей қаласы сендерге ұнай ма? (суреттерді көрсетемін) . «Туған қалам, Семейім» өлеңі қойылады. Біз бүгін Семей қаласының дүкендеріне саяхат жасаймыз. Сендер дүкен аралауды жақсы көресіңдер ме? Ондай болса дүкендерге саяхат жасайық. Бірінші дүкендерді аралау үшін көлік түрін таңдайық. Бірнеше көлік түрін көрсетемін (автобус, троллейбус, поезд, ұшақ). Қай көлікті таңдаймыз? Автобусты таңдаймыз. Ал, енді автобусқа отырып, жол жүрейік. 1.«Сөздік» аялдамасы. Сатушы (сурет) - продовец Құмыра (сурет) - ваза Қуыршақ (сурет) - кукла Зырылдауық (сурет) - юла Саяхат – путешествие Сатып алды - купил Сөздік дәптерлеріңді ашып, жаңа сөздерді жазып алыңдар. Жаңа сөздермен сөйлемдер құрап, тақтаға жазайық. Жаңа сөздерді жауып қойып, суреттер арқылы аудармасын сұраймын. 2.«Азық-түлік» дүкені «Азық-түлік» дүкенінде не сатылады? Суреттерді көрсетіп оқушылардан сұраймын. Оқушылар білгендерін тақтадағы суреттің астына жазады. «Не артық?» деген слайдта балалар суреттерден азық-түлікке жатпайтын суретті сызып тастайды. Балалар, орыс тілінде нанға байланысты қандай мақал бар? «Хлеб – всему голова», қазақ тілінде де нан туралы «Ас атасы – нан» деген мақал бар. Бұл мақалды дәптерлеріне жазып алыңдар. Енді нан сөзімен сөз тіркестерін құраңдар. Мысалы: Ыстық нан, ақ нан, жұмсақ нан, қара нан т.б. 3.«Ойыншық» дүкені. Дүкенде не сатылады? Ойыншықтар. Қандай ойыншықтарды білесіңдер? Берілген суреттер бойынша сөйлемдер құрап, тақтаға жазады. Оқулықтарыңды ашып, 1- тапсырманы орындайық. Мәтін бойынша аударма жұмысын жүргізейік. 2-3 оқушыға аудартамын. Дәптерлеріңе жазады. Ал енді, араларында кім тапқыр екен?! Ол үшін, Сергіту сәтін өткізейік. «Зырылдауық» сөзіндегі әріптермен сөздер құрастырайық. Бірінші мына сұраққа жауап берейік. Зырылдауық дегеніміз не? Иә, ол Юла. Мысалы: қыл, дау, дала, лақ, қыр, қыз, уық, ық,қу. 4.«Ыдыс» дүкені Ыдыс сөзі қалай аударылады? Посуда. Мына ыдыстардың атауларын атап шығайық (суретті көрсетемін). Ыдыс сатушы апай сендерге тапсырмалар дайындапты. Балаларға үлестірмелі карточкалар таратамын. 2-3 баланы тақтаға шығарып алдын –ала дайындалған мәтін бойынша тапсырма орындайды. Көп нүктенің орнына жалғаулықтарды қою қажет. Сөйлемдер: Дүкенге барасың ....? Ол бір...... қатарға отырды. Құмыра әжем..... . Ертең келесің ......? Қалған балалар карточкалармен жұмыс істейді. 2-3 баланың тапсырмаларын тексеремін. 1. Киім дүкені. Суреттерді көрсетіп, киімдердің атауларын сұраймын. Балалар, мына қуыршақтың үстінде қандай киімдер бар? Көйлек, аяқ - киім. Көйлегі қандай түсті? Аяқ - киімі ше? Оқушылармен түстерді қайталап кетеміз. Шашы қысқа ма, әлде ұзын ба? Енді, әр қатарға бір сөзден беремін Сендер ол сөздерді тәуелдеңдер. (Қуыршақ, шалбар, көйлек) Балалар, Семей қаласына жасаған саяхатымыз сендерге ұнады ма? Сонымен, Семей қаласында қандай дүкендер бар екен? Сызылған кластерді көрсетемін. Оқушылар өздері айтады. Енді тоқтаған аялдамалар бойынша мәтін құрастырайық. Кәне, кім сөйлем құрайды. Оқушыларға бір-бір сөйлемнен ауызша айттырамын. Мен Семей қаласында тұрамын. Семей қаласы үлкен. Семей қаласында дүкендер көп. Олар: Азық-түлік дүкені, ойыншық дүкені, киім дүкені, ыдыс дүкені. Бүгін мен Азық-түлік дүкеніне, ойыншық дүкеніне, киім дүкеніне, ыдыс дүкеніне бардым. Дүкендерді аралау маған өте ұнады. Кімге қай дүкен ұнады, қолдарыңдағы жұлдызшаларыңды тақтадағы суретке жабыстырыңдар. Үйге тапсырма: Сөздік жаттау, Бағалау: Сабаққа белсенді қатысқан балаға тиісті баға қоямын. Источник: http://files.gameworld.kz/jdm3ay7816.html | |
| Просмотров: 4889 | Комментарии: 1 | |
Четверг, 2024-12-19, 1:59 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|