Коллеги - педагогический журнал Казахстана
Учительские университеты
| Главная » Статьи » В помощь учителю » Казахский язык и литература |
Туган тілім. Д. Абілов
| Семей қаласы, №30 жалпы орта білім беретін мектеп Қазақ тілі және әдебиеті пәні мұғалімі Төлегенова Қ.С. Қазақ тілі. 2-сынып Тақырыбы:«Туған тілім» Д. Әбілов. Сабақтың мақсаты:қазақ тілінде ауызекі сөйлеу тілін дамыту, өлеңді оқып түсіну, сөйлемдер құруға дағдыландыру. Сабақтың міндеті: 1. Сөз құдіреті туралы түсініктеме беру. «Тіл туралы» өлеңді мәнерлеп түсініп оқуға бағыттау. Лепті сөйлемнің ерекшелігімен, тапсырмалар орындаумен танысу. 2. Шақар,бал қаймақтай тәтті сөз, қатты сөз, қатал сөз ұғымдарын кеңейту, «Бишара» сөзінің шарасыз, халі мүшкіл,нашар сөздермен мағыналас ұғымын кеңейту. Дауыс ырғағымен (өлеңді) оқуға, сурет бойынша әңгіме құрауға машықтандыру. 3. Өз тілін,ана тілін құрметтеуге,білуге міндеттеу. Көрнекілігі: Интерактивті тақта, суреттер, слайд, тірек-сызбалар, мақал-мәтелдер, қиық қағаздар. Сабақтың типі: Жаңа білімді меңгерту сабағы. Сабақтың түрі: Аралас сабақ. Сабақтың әдіс-тәсілдері:Сұрақ-жауап, түсіндіру, ойын элементтері, жұптық жұмыс Сабақтың барысы: І. Ұйымдастыру кезеңі. 1. Амандасу. 2. Психологиялық жағдай туғызу. -Амансың ба алтын күн! -Амансың ба Көк аспан! -Амансыңдар ма, достарым! -Сендерді көрсем қуанам! 3. Кезекші мәліметі. ІІ. Үй жұмысын тексеру. -Балалар, үйге қандай тапсырма берілді? -Үйде Астана туралы диалогты жаттауға бердіңіз. Оқушылар Астана туралы сөйлесуді жұп-жұппен айтады. ІІІ. Тақырыпты ашу. -Балалар, Астана қай мемлекеттің Бас қаласы? -Иә, әрбір мемлекеттің өз мемлекеттік тілі, ұлттық тілі болады. Қазақстанның ұлттық тілі, мемлекеттік тілі – қазақ тілі. Бүгінгі біздің сабағымыздың тақырыбы – «Туған тілім» деп аталады. ІҮ. Жаңа сабақ. 1. Өлеңнің авторы Дихан Әбілов. Ол –қазақтың халық ақын-жазушысы. Балаларға арнап өлеңдер жазған. Міне, қазір біз оның «Туған тілім» атты өлеңімен танысамыз. 2. Өлеңді мәнерлеп оқимын. Оқушылар мұқият тыңдап, қиын сөздерді түртіп отырады. 3. Сөздік жұмысы: Бабам тілі – арғы аталарымыздың тілі Сыры терең – құпиясы мол Суырып ал – жұлып ал 4. Оқушылар тізбектеп оқиды. Ү. Ой қозғау. – Ақынның туған тіл деп отырғаны қай тіл? -- Өлеңдегі туған тіл деген тіркестің орнына қазақ тілі деген сөзді қойып, мәнерлеп оқиық. ҮІ.Ережемен танысу. –Балалар, өлеңнің бірінші шумағын тағы бір рет оқиық. –Жақсы, ал енді қазақ тілін ашып, 81-беттегі ережені оқиық. - Өлеңнің осы жолдарымен ережені салыстырғанда арасында байланыс бар ма? ҮІІ.Сергіту сәті. Бүлдірген тереміз, балақай. Алақай! Ат жарыс көреміз, балақай. Алақай! Айға ұшып барамыз. Алақай! Кел, ағаш жарамыз, балақай. Әй, ата-ай! ҮІІІ.«Қай кезде қалай айтылады?» ойыны. Мейрамыңызбен! Жолыңыз болсын! Сәлеметсіз бе! Рақмет! 1. Мейрам күндері үлкендерге, жолдастарыңа не дейсің? 2. Сапарға шығатын адамға не дейсің? 3. Мұғаліммен таңертең кездескенде не дейсің? 4. Өзіңе біреу көмектескенде не дейсің? ІХ. Жұптық тапсырма. Дәптермен жұмыс. • І жұп. Хабарлы сөйлем • ІІ жұп. Сұраулы сөйлем • ІІІ жұп. Лепті сөйлем Астанада, болдым, мен. Х.Сәйкестендіру тесті. Екі бағанда орналасқан адамның көңіл-күйін бейнелейтін суреттер мен соларға сәйкес келетін сөйлемдерді бір-бірімен сәйкестендір. 1. Хабарлы сөйлем а) Сенің атың кім? 2. Сұраулы сөйлем б) Қазір күз. 3. Лепті сөйлем в) Қандай әдемі гүл! ХІ. Сабақты бекіту. –Балалар, бүгінгі сабақ сендерге қандай көңіл-күй әперді? Көрсетіңдерші. ХІІ.Үйге: Өлеңді жатқа білу, 3 лепті сөйлем құрастырып әкелу. ХІІІ. Оқушыларды бағалау. | |
| Просмотров: 3943 | |
Четверг, 2024-12-19, 5:06 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|