Коллеги - педагогический журнал Казахстана
Учительские университеты
| Главная » Статьи » В помощь учителю » Уроки музыки |
Ән аманат
| “Ұйықтап жатқан жүректі ән оятар ” Абай. Қазақ халқының музыкасының бір арнасы - әншілік өнері. Осы ғажайып өнер ғасырдан ғасырға, ұрпақтан - ұрпаққа, бүгінгі күнге дейін сабақтастығын тауып келе жатыр. Жоғарғы оқу мекемелерінен түлеп шыққан шәкірттер кейін дарынды балаларға арналған музыка мектептерінде орын тауып, жас дарынды балалардың бағын ашуға кірісуде. Қарағанды қаласының орта мамандандырылған музыка мектеп интернатының “домбырамен ән салу” мамандығы бойынша шәкірт тәрбиелеу 2000-шы жылдан бастау алады. Қызмет атқаратын ұстаздар: А.У Ақшалова, У.Б Есмағанбетова, А.Қ Түсіпбеков, А.Б Қожамұратов. Осы аталған ұстаздар халықаралық, республикалық, облыстық, қалалық сайыстарда оқушыларын қатыстырып жүлделі орындарға ие болып, орындаушылық шеберліктерін ұштайды. Әншілерге арнайы бағдарлама жазылды. Бағдарлама: Арқа, Батыс, Жетісу, Алтай-Тарбағатай, Сыр және Маңғыстау әншілік, жыршылық терме, толғау, қазіргі заман композиторларының әндерінен тұрады. Әр тоқсандық емтихан тапсыру барысында осы аталған әншілік мектептерінен, бір шығарма міндетті түрде орындалады. Қазақстан Республикасының еңбек сіңірген әйгілі әншілері: Қ. Байбосынов, С. Жанпейісова, Б. Төлегенова тағы басқа жоғары оқу орындарында қызмет атқаратын ұстаздар алдынан, оқушылар өз өнерлерін көрсетіп марапатталуда. Осыдан болар ән өнерін іждағаттылықпен қарап, оны рухани игілігіне айналдыру мақсатында, мектебіміздің мамандары өз істеріне үлкен жауапкершілікпен қарайды. “Домбырамен ән салу” мамандығы болғандықтан болашақ әншінің дауысына көп көңіл аударып, тынысын орнықтырып, әннің сөзің анық жеткізуді талап етеді. Отанға, туған елге, туған жерге сүйіспеншілігін, патриотизімін ояту, адамгершілікке, сезімталдылыққа тәрбиелеуді көздейді. Ақын жазушының мұрат-мақсатын, елге жеткізу, болашақ әнші орындаушылардың міндеті деп ұғындырады. Көмейіне бұлбұл ұялаған небір күміс көмей, жез таңдай әншілер осы мектебімізденде тәрбиеленіп қазақ әнінің өрісін кеңейтіп, өресін биіктетіп, туын жоғары көтереді деген үміттеміз. Қазақтың әні мен күйі бір қалыпта тұрмау керек, үлкен ізденістері қажет, әлемдік музыка мәдениетінің озық үлгілері қатарында болуы тиіс – деп қазақ зиялылары А.Байтұрсынов, М.Жұмабаев, С.Сейфуллин айтқан аманатты орындауға міндетіміз деп білеміз. | |
| Просмотров: 791 | |
Понедельник, 2025-06-30, 3:14 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|