Коллеги - педагогический журнал Казахстана
Учительские университеты
| Главная » Статьи » В помощь учителю » Внеклассные мероприятия |
Кім жылдам?
| 1.Тәрбиелік іс-шараның тақырыбы: Кім жылдам? Мақсаттары:Қимылдық ойындар арқылы балаларды адамгершілікке, шапшаңдыққа, ептілікке, төзімділікке, тапқырлыққа, ұжымдыққа, бір-бірімен достық қарым-қатынасқа, қамқор болуға, бірлік пен татулыққа үйрету, зеректік қабілетін дамыту Бір-біріне жауапкершілікпен қарауға, икемділікке дағдыландыру, қызығушылығын арттыру Салауатты өмір салтын сақтауға, еңбекқорлыққа, мәдениеттілікке, өз мүмкіндігін дұрыс пайдалана білуге тәрбиелеу 2.Тәрбиелік іс-шараның түрі: қимыл қозғалыс ойындары 3.Көнекіліктер: үрленген шар, әр командаға арналған эмблема, сок, түтік, пластмасса стакан, конфет, ұн, тарелка, киімдер, картоп, обруч, музыка. 4.Өткізілетін орны: акт залы Әділ –қазылар алқасы сайланады. Ойын соңында бағалап, қорытындылайды. Тәрбиелік іс-шара 10-13 жастағы балаларға арналған. Әуенді іс қимыл- сайысы 4 балмен бағаланады. Сайыстың барысы: 1. Ойынның мақсатымен таныстыру. 2. Ойынның шартымен таныстыру. 3. Оқушылармен таныстыру 4. Жеңімпазды анықтау 5. Жеңімпазды марапаттау. I.Кіріспе бөлім. Ойын ережесі: 1.Бірін-бірі тыңдау 2. Уақыт үнемдеу 3.Белсенділік таныту 4. Достық қарым-қатынас жасау 5.Жағымды эмоция тудыру Ұйымдастыру. Тәрбиеші сайыстың мақсатымен қатысушыларды таныстырады. Көрермендерге ойынға қатысушыларға бөгет жасамауды ескерту. Әр командада 5 қатысушы болады. II.Негізгі бөлім. 1.Тапсырма. Эстафета. «Сәлемімді қабылда». Әр команда қатысушыларының бір-бірін аты, ұранын сәлемдесу арқылы таныстырады. Әр команда қатысушылары бір-біріне қарсы тұрады. Бір-біріне қолдарын алып, тез орындарын ауыстырып тұра қалады. 2. Тапсырма. Би «Ойыншықпен билеу» Қажетті құралдар: ойыншық қуыршақ , музыка Музыка ойнап, барлық балалар билеп жүреді. Билеп жүргенде ойыншықты бір-біріне беріп жүреді.Музыка бірден тоқтаған кезде ойыншық кімнің қолында қалса, сол ойыншы ойыннан шығып отырады. 3.Тапсырма. Сайыс. «Кім шырынды тез сорады?» Қажетті құралдар: екі пакет сок, 2 түтік Әр командадан бір қатысушыдан шығады. Алдарына стакан сок пен түтік қойылады. Бір уақытта сокты тез сору керек. Кім тез сорып болады, сол жеңіске жетеді. 4.Тапсырма. Сергіту сәті. «Сен тағдырыңды білгің келе ме?» Әр қатысушы қоржыннан конвертті алып, өзін осы алдағы келе жатқан жаңа жылда не күтіп тұрғанын біледі. Көрермендерге де қатысып, алуларына болады. Мысалы, №1-түймесі бар конвертті алса, жүргізуші не күтіп тұрғанын хабарлап оқиды. №1. Түйме – биылғы жылы мамаң саған әдемі көйлек сатып әпереді. №2. Дөңгелек – биылғы жылы сен лотерея билетін сатып алсаң, машина ұтып аласың №3. – Гүл – биылғы жылы сен өте әдемі және сүйкімді боласың. №4.- Конфет – быилғы жылы сені өте тәтті өмір күтіп тұр. №5.- Тиын – биылғы ылы сен ақшалы боласың. №6. – биыл сені оқуда жақсы жетістіктер күтіп тұр. №7. – географиялық карта – биылғы жылы сені үлкен қалаларға саяхат күтіп тұр №8. – Бұрыш – абай бол, досыңмен ұрсысып қалуың мұмкін. №9. – еміздік – биылғы жылы саған көп кішкентай балалар қонаққа келеді. №10. – жүзік – биылғы жылы міндетті түрде үйлену тойына барасың. №11. – 100 теңге – жазда ормаға саяхатқа шығып, жақсы дем аласың. №12. – мен сізді құттықтаймын, сіз бүгінгі сайыстың жеңімпазысыз. 5.Тапсырма. Ойын . «Үшеуден екеу» Қажетті құралдар: үш шар, музыкалық әуен. Әр командадан, «Жұлдыз», «Жас қанат» командаларынан екі қатысушыдан шығады. Жерде үш шар жатады. Музыка ойнайды да, қатысушылар шардың маңайында билейді. Музыка бірден тоқтаған кезде бір адам 2 шарды ұстау керек. Кім ұстайды, сол жеңіске жетеді 6. Тапсырма«Кім епті?». Қажетті құралдар: 40 пластмасса стакан Балалардың ептіліктерін бақылау мақсатында, пласмасса стакандардан пирамида жинау керек. Әр команданың капитандары шығады. Әр балаға 20 стаканнан беріледі. Осы берілген стакандардан 1 минут ішінде пирамида жинау керек. 7. Үй тапсырмасы .Сайыс. «Кім тез киіндіреді?» Қажетті құралдар: Әр команда алдын-ала киіндіретін қажетті киімдерді даярлау Әр командадан екі баладан шығады. Олардың мақсаты дайын киімді алып, әр команда баласы біреуі екіншісін киіндіруі керек. Кім тез, әрі әдемі киіндіреді, сол жеңіске жетеді. Қыздардың киімдерін де даярлап киіндіруге болады. Киініп болғаннан кейінғ музыка арқылы залда жүреді. Косметикалық бояуларды да пайдалануға болады. Киіндіру уақыты 2 минут. Балаларды киіндіріп жатқанда көрермендермен мынадай ойын ойналады. 9. Тапсырма. Көрермендермен ойын. Қажетті құралдар: 4 табаққа салынған ұн, домалақ конфеттер «Ұндағы конфет». Столдың үстіне ұнға конфет араластырылып қойылады. Сол конфетті қолдың көмегінсіз ауызбен алу керек. 10. Тапсырма. Командалық жарыс. «Картопты отырғыз және жина» Жарысқа екі команданың барлық қатысушылары қатысады. Қажетті құралдар: 50 картоп, 10 обруч, 2 шелек, 2 лейка Жарыста қатысушы барлық тапсырманы қимылмен көрсетіп отырады. Тапсырманы кезекпен, әр команда қатысушылары жылдам орындау керек, қай команда бірінші орындаса , сол команда жеңіске жетеді. 1-қатысушы -Жерді тырнауышпен тырнап тазалайды. 2- қатысушы- Жерді жыртады, яғни обручты жерге қояды. 3-қатысушы - Картоп отырғызу ( картопты обручтың ішіне қояды) 4- қатысушы - Картопты лейкамен суғарады. 5 –қатысушы - Салынған өнім картопты жинау (картопты шелекке салу) 11. Ойын Көрермендерге арналған. «Екеуге арналған қияр» . Әділ-қазылар алқасы қорытынды шығарғанша, екі баланы шығарып ойнатуға болады. Қажетті құралдар: ұзын қияр немесе ұзын банан. Екі баланың да көзін байлап, ортаға столға қияр немесе бананды қоямыз. Екі қатысушы балалар қиярдың немесе бананың екі жағынан екеуі бірдей мезгілде жеулері керек. Кім бірінші жеп қояды, сол жеңіске жетеді. 12. Қорытынды бөлім. Әділ –қазылар алқасы қатысушыларға жинаған ұпайларын хабарлайды. Қатысушылар бір-бірімен қол алысып, құттықтайды. Сайысқа қатысушы балалар марапатталады. Источник: http://kurmanekova-nazgul@mail.ru | |
| Просмотров: 971 | Комментарии: 1 | |
Четверг, 2024-12-19, 8:18 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|