- Құрметті, оқушылар, ұстаздар! Мектебімізде 1 айдан бері әскери-патриоттық іс-шаралар өтіп жатыр. Бүгін міне, осындай бір шара осы 8 «А» сыныбында өткелі отыр. Тәрбие сағатымызды бастамас бұрын сендер, «патриоттық сезім», «отанға деген құрмет», «отан біздің - анамыз» деп айтып жүреміз. Осындай ұғымды өздер қалай түсінесіңдер, қалай ұғасыңдар?
Кім жауап береді екен?
1. Адалдық
2. Батырлық
3. Адамгершілік
4. Еңбек сүйгіштік
5. Абырой
- Жақсы, ендеше сабағымыздың мақсаты отанға деген құрмет, адалдық, ұлтжандылық деген сияқты тағы басқа қасиеттерге ұмтылу, бойымызға сіңіру, дарыту. Тақырып әрине, батыр, жазушы, гвардия полковнигі, ақын, ұлтжанды, қаһарман ерлік иесі Бауыржан Момышұлына арналады екен.
Б. Момышұлы (1910-1983). Халық қаһарманы, көрнекті жазушы. Ұлы Отан соғысы кезінде Панфилов дивизиясы құрамында ерекше ерлік істерімен, шебер қолбасшының қабілетімен танылған. Б. Момышұлы кейін соғыс тактикасын, майдан, өмір шындығын шығармашылығына арқау етті. Жоғары әскери академияны бітірген ол, осында әскери педагогикалық жұмыспен шұғылданып, дәріс оқыды. «Куба әскерлері», «Ұшқан ұя», «Москва үшін шайқас», «Бір түннің тарихы», «Төлеген Тоқтаров» т.б. кітаптарында жас ұрпаққа әскери – отаншылдық рух үддесінде мол тәлім – тәрбие ұсынды. Аты аңызға айналған «Арлы адам ардақты, ар – ардақтың анасы», «Жерге тер төгіп, халыққа қан төгіп қызмет етуден аянба», «Отан үшін отқа түс - күймейсің» - деп өткен батыр Бауыржан есімі – ерліктің символы. Қайтыс болғаннан кейін оған «Кеңес одағының Батыры» атағы берілді.
Найзадан қол босаса қалам алдым,
Толғанып оқиғаны көп ойландым.
Тырмысып әл келгенше көргенімді,
Жалтақтамай, именбей ашық жаздым.
Отырсам көп ойланып күнім жақын,
Әр адам біле бермейді сөздің парқын.
Ұрпаққа арнап істеген адал еңбек,
Ақ ниетпен ұсындым саған халқым.
Жазушы болмаған соң менің затым,
Көркемді жұмыр емес менің хатым.
Салмақтайтын саналы ер табылса,
Атаусыз неге қалсын менің атым.
Патриотизм – Отанға (мемлекетке) деген сүйіспеншілік, жеке адамның – сұлулығы қоғамдық – мемлекеттік қауіпсіздікке тікелей байланыстылығын сезіну, өзінің мемлекетке тәуелді екеніндігі, мемлкеттік нығайту дегеніміз жеке адмды күшейту екенін мойындау, қысқасын айтқанда, патриотизм дегеніміз мемлекет деген ұғымды, оның жеке адаммен барлық жағынан өткенімен, бүгінгі күнімен және болашағымен қарым-қатынасын біріктіреді.
«Әдеп және әдет»
«Ұяда нені көрсе, ұшқанда соны алады»
«Ұлың өссе - ұлы жақсымен, қызың өссе – қызы жақсы ауылдас болғын»
«Тексізден тезек артық»
«Жаным арымнан садаға»
«Өлімнен ұят күшті»
«Қоянды – қамыс, ерді намыс өлтіреді»
Сонымен , қорытындылай келе тәрбие сағатымызды Бауыржан есімін әрқашан да есте сақтап, үлгілі, батырлық істерінен үлгі аламыз.
«Әрқашан күн сөнбесін» әнімен тәрбие сағатын аяқтаймыз.