Коллеги - педагогический журнал Казахстана
Учительские университеты
| Главная » Статьи » В помощь учителю » Внеклассные мероприятия |
Интернет пен агенттегі оқушының рөлі
| Интернет пен агенттегі оқушының рөлі Білімділік: оқушылардың информатика пәнінен білімдерін тиянақтау, жүйелеу, жалпылау, бекіту. Дамытушылық: қызығушылықтарын арттыру, белсенділіктерін дамыту, топпен жұмыс істей білу қабілеттерін дамыту. Шығармашылық қабілеттерін арттыру. Тәрбиелік: ойында жауапкершілікке, шапшаңдыққа, бір-бірін тыңдауға, тиянақтылыққа баулу, ақпараттық мәдениетке тәрбиелеу. Көрнекілігі: плакаттар, оқушылардың төсбелгілері, ноутбук. Барысы: Сайыс бөлімдері: І. Кіріспе. 1. Екі топ үш спикерден болады. 2. Екі топтың спикерлері өздерін таныстырады. ІІ. Негізгі бөлім. 1. Спикерлер дәлелдемелер мен мысалдар келтіріп, статистикалық мәліметтермен таныстырады. 2. Екі топтың ұсыныстары мен қосымшалары. 3. Екі топ бір-біріне сұрақ қояды. ІІІ. Қорытынды. 1. Сарапшылар өздерінің сараптамаларын айтады. 2. Екі топтың сайыста жинаған сараптамалық дауыстарын жариялайды. 3. Қорытынды. Сайыс ережесі: 1. Бос айтыс, тартыстан аулақ болу. 2. Қарсыласыңды қорқытуға әуес болма. 3. Мысқыл сұрақтар қоюға болмайды. 4. Қарама-қарсы сұрақтарға берілген уақытты тиімді пайдалану. 5. Қосымша қойылатын сұрақтарға дайын болу шарт. - Сайысымызды бастамас бұрын, жеребе таратып, қай топ бірінші бастайтынын анықтап алайық. Әңгімемізге арқау болу үшін біз алдымен «Агент және оқушы» көрінісіне кезек берейік. Мұғалім: Оқушы мына жастардың, Келешегін ойланам. Зеңді алғыр жастар аз Білімге терең бойлаған. Интернет пен агент тұр Бар әлемді жайлаған Алыстатып білімнен Жастардың жолын байлаған Оқып білім алмаған Дей ме екен жастар «қой бағам»? Тосқауыл қойып агентке Ден қою керек білімге Өмірге керек қорегің Ойлаңдар жастар, білімде. Көп оқыңдар кітапты Өзіңнің ана тіліңде. Агентке алданып Тегіс жерде сүрінбе Кітаптан алсаң білімді Жарқырап сенің тұрады Аспандағы күнің де! Оқушы: Керектіні өмірге Агенттен аламыз Мұхитың, өзен, теңізің Ішінде барлық қаламыз Іздегеннің барлығын Агенттен табамыз Оқыңдар дейді кітапты Мұғалім, ата-анамыз Кітапты оқи күндіз түн Қатардан қалай қаламыз? Агентке біздердің Уланып қалған санамыз. Ата-ана: Интернет, агент бұл күнде Жаулайды жастар санасын Кітаптан емес керегін Агенттен болды табатын Қатаймайды қанатың Ой санаңды аздырып Жастарым қайда боласың Ұстаздан білім алмасаң Робот болып қаласың Жасалу керек бір жағдай Агентке жоқтау салатын. - Көріністі көріп тамашаладыңыздар. Ендеше бірінші бөлімге кезек берейік. Таныстыру. (1 - минут) - Қарсыластар өздерін таныстырып болған сияқты, енді негізгі кезеңге кезек берсек дейміз. Оқушылар бұл кезеңде өз пікірлерін айтады, оларды дәлелдейді, керекті фактілер, мысалдар, статистикалық мәліметтер келтіреді. Жақтаушы мен қарсы даттаушы топтардың спикерлері әр дәлел бойынша кезекпен-кезек сөйлейді. Уақыттарыңыз шектеулі болады. 3 - минут. І – топ. «Қазақстандағы интернетті дамытуымыз қажет және агенттің өз алар орны бар» Біздің анықтауымыз бойынша: ______________________________ Дұрыс белгісі: ______________________________________________ Дәлелдейтін болсақ: __________________________________________ ІІ – топ. «Оқушыларға интернетпен байланыс жасауға белгілі бір уақыт беру керек, агент қажет емес» Біздің анықтауымыз бойынша: ______________________________ Дұрыс белгісі: ______________________________________________ Дәлелдейтін болсақ: __________________________________________ - Екі топ спикерлері өз ойларын толық жеткізе білді деп ойлаймын. Енді ұсыныстарыңыз бар ма? Қарсы жақ ұсынысыңыз бар ма? Уақытыңыз – 3 минут. - Енді қосымша айтарларыңыз бар ма? Уақыты – 2 минут. - Екі топ мүшелері ойларын толық жеткізді деп ойлаймын. Сұрақтарыңыз бар ма? Сұрақтарыңыз бар болса, уақыттарыңыз 2 минут. Ертеде Батыр бабаларымыз Әйтеке бидің, Қаз дауысты Қазыбек бидің, Төле бидің тоқсан ауыздай тобықтай түйінін шешер төрелік сөздерге тоқтаған? Ендеше қорытынды бөлімде түйінді шешер төрелік сөзді төрешілерімізге берейік. Өркениет өркен жайған бүгінгі өскелең дәуірдегі өрелі жаңалықтардың бірі, тіпті бірі болғанда бірегейлі ғаламтор, яғни интернет пен агент техникасы. Қазіргі таңда осы техника біздің күллі тұрмыс-тіршілігімізге дендеп енді. Бұл күндері ғылым-техника, мәдени-ағарту, емдеу-денсаулық сақтау, сауда-финанс қатарлы сан алуан қызмет өтеу түрлерінің әрі тез, әрі өнімді, әрі икемді жақсы жүрілуін компьютерсіз, компьютерлер өзара тұтасқан ғаламторсыз көз алдыңызға елестетуіңіз қиын. Әлемді дүр сілкіндірген әлемиелену үрдісінің өзі ақпарат технологиясы, яғни ғаламтор арқылы жүріліп жатқан ықпалы күшті үлкен құбылыс. «Интернет» - бір күндік Кітап – мәңгілік, - дегендей, кітаптан қол үзіп қалар шақта тұрған мына заман интернет пен агенттің заманы. Қысқасы әлемді уысына алған ғаламтор біз үшін адамқат ақыл парасатының телегей теңізінен емін-еркін сусындайтын бүкілдей жаңа жүйе қалыптастырып берді. Егер сіз ғаламторға шықсаңыз төрткіл дүние ашсаңыз әлемнің қай қиырында, нендей уақиға болып жатқанына дер кезінде хабардар болып отырасыз. Дегенменде «таяқтың екі ұшы бар» дегендей интернет пен агенттің де жаман-жақсы тұстары бар. Санасы бар адам баласы саралап тура жолдан таймай өзіне қажеттісін алып, қалғанын сызып тастап отырса ұрпағымызды мәңгүрттік жазылмас ауруға ұшыратпас деп ойламын. ХХІ ғасыр – жастардың жаңа ақпараттық технологиялардың ғасыры. Ендеше ғасырдың сыйынан қалыс қалмайық. Енсесі биік, егеменді еліміздің адалдықты ту еткен алғыр ойлы адал азамат ұл-қыздары көп болғай. Келесі кездескенше сау болыңыздар. | |
| Просмотров: 1358 | |
Среда, 2024-11-20, 4:32 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|