Коллеги - педагогический журнал Казахстана
Учительские университеты
| Главная » Статьи » В помощь учителю » Физическая культура |
Ұлттық спорттық ойындары
| Мақсаты: а) Білімділік: Оқушылардың денсаулығын, ой-өрісін, икемділігін, шапшаңдылығын, ұлттық ойынға қызығушылығын дамыту, спорттық шеберліктерін, мүмкіндіктерін арттыру. ә) Дамытушылық: Ұлттық ойындарды дәріптеуде ұлттық тәрбиені бойларына дамыту. б) Тәрбиелік: Оқушылардың денсаулығын нығайту, топтық сайысқа, жылдамдыққа, икемділікке, күштілікке, төзімділікке баулу. Сабақтың түрі: - жарыс сабақ. Сабақтың әдісі: - түсіндіру, сұрақ-жауап, машықтық, топпен жұмыс, ойын. Құрал жабдықтар: ысқырық, уақыт өлшегіш, асықтар, арқан. Сабақтың жоспары: Кіріспе, дайындық бөлімі (15 мин) Негізгі бөлім. (25 мин) Қорытынды бөлім. (5 мин) Сабақтың барысы. І.Кіріспе, дайындық бөлімі: 1. Сапқа тұру. Сәлемдесу. Сабақтың мақсатын түсіндіру. Саптағы жаттығулар. Оңға! Солға! Айнал! (нұсқау: Оқушылардың дайындығына спорт киіміне көңіл бөлу және қауіпсіздік ережелерімен таныстыру). 2. Жүріспен орындалатын жаттығулар: а) қарқынды өзгерте отырып, кең адымдап жүру; ә) қолмен және кеудемен қарапайым қимыл жасап жүру; б) қолмен аяқтың ұшынан ұстап отырып, төмен еңкейіп, аяқты тура ұстап жүру; в) қолды сермеп, алға қарай және бір жақ бүйірге қарай, кең адымдап жүру. (нұсқау: Басты, денені, қолды түзу ұстап жүрулерін қадағалау). 3. Жүгіруде орындалатын жаттығулар: а) бірқалыпты баяу жүгіру; ә) әр адымда секіре жүгіру (бір аяқпен секіру); б) артпен шегіншектей жүгіру; в) торға екі адым жасай жүгіру; г) қолды желкеге қойып, оң, сол бүйірмен жүгіру; ғ) қолды алдыға созып, тізені алақанға тигізіп жүгіру; д) алақанды артқа ұстап, өкшені артқа лақтыра жүгіру. (нұсқау: Денені тік, қолдарын дұрыс қойып ұстауларын, дұрыс демалуын қадағалау). ІІ. Негізгі бөлім: Мұғалім: Балалар, сендерге сәттілік тілей отырып, жарысымызды бастаймыз. Ал, енді сайысымыздың шарттарымен таныстырайын... Сайыс шарттары: 1. Асық ойыны 2. Арқан тартыс 3. Тоғызқұмалақ 4. Ханталапай Тоғызқұмалақ «Асық ойыны»: Ойынның ережесі: Ойынға қатынасушыларға шек қойылмайды. Олар тегіс жерді таңдап алып шеңбер сызады да, дәл ортасына асықтарды бірінің үстіне бірін пирамида етіп жияды. Сонан соң асық тігілген жерден ойынға қатынасушылардың жас ерекшелігіне орай көн белгіленеді. Оның қашықтығы 7-8 метрден кем болмайды. Ойынды бірінші болып бастайтын ойыншыны анықтау үшін сақаларын иіреді. Кімнің сақасы бұрын алшы түссе, ойынды сол бастап, қалғандары да осы тәртіппен өз кезектерін алады. Алшы (1-ші), тәйке (2-ші), бүге (3-ші), шіге (4-ші). Егер ойыншының асығы омпа түссе, онда ол алшыдан жоғары болып есептеледі де, бірінші орынды сол алады. Егер де екі не үш адамның асығы бірдей алшы не бүк, не шік, не тәйке түссе, онда сақалар қайта иіріледі. Ойын ережесін түсіндіру. Ойын ережелерінің қатаң түрде сақталуын ескерту. Асықпен ойналатын ойынның тағы бір түрі – «Ханталапай». Ойынға қатынасушыларға шек қойылмайды. Олар ойын жүргізушінің айналасына жарты шеңбер құрып отырысады. Ойын жүргізуші қолындағы асықты «ханталапай» деп ортаға қарай шашып жібереді. Отырғандар тез-тез жиып алулары керек. Кім аз жиып алса, сол жеңілген болып саналады. «Арқан тартыс» ойыны: Ойынның ережесі: Арқан тарту. Алаң орнына көлденең сызық сызылады. Ойынға екі ұшы тұзақтап байланған ұзын жіп немесе арқан керек. Ойынға қатысушылар өз топтарымен бірге екі жақтан арқанды белге салып өз жағына қарай тартады. Ортадағы көлденең сызықтан қай топ бұрын сүйреп өткізсе, солар жеңіске жетеді. Тоғызқұмалақ – қазақтың ұлттық дәстүрлі ойындарының бірі, ақыл-ой ойыны. Тоғызқұмалақ ойыны арнайы тақтада екі адам арасында ойналады. Ойын тақтасы – 2 қазан, 18 отау, 162 құмалақтан тұрады. Ойын басында әр ойыншыға бір қазан, 9 отауға тоғыз-тоғыздан салынған 81 құмалақ тиесілі. Алғашқы жүріс жасаған ойыншыны – бастаушы, қарымта жүріс жасаған ойыншыны – қостаушы деп атайды. Жүріс ойыншылар тарапынан кезектесіп жүріледі. Жүрісті кімнің жасайтыны жеребемен немесе қарсыластардың келісімімен анықталады. Оқушылардан сұрақ алу 1. Бүгінгі іс-әрекетімізде қандай сабақ болды? 2. Қандай ойын ойнадық? 3. Ойын сендерге ұнады ма? ІІІ. Қорытынды кезең. 1. Сабақты қорытындылау. Түгел тыңдауын қадағалау. 2. Оқушыларды бір сапқа тұрғызу, тыныс жолдарын қалпына келтіру. Толық сапқа тұрғанын қадағалау. 3. Үйге тапсырма беру. Үй тапсырмасын тыңдауын қадағалау. 4. Оқушыларды бағалау. 5. Қоштасу. Түгел қоштасуын қадағалау. Бір саппен спорт алаңынан залдан шығару. | |
| Просмотров: 1414 | |
Четверг, 2024-12-19, 0:25 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|