Өтетін орны: Семей қ. ФМБ НИМ. Спорт зал.
Өтетін уақыты: ..............
Мақсаты:
Ата бабаларымыздың мыңдаған жылдардан бері мерекелеп келе жатқан жыл басы туралы білімдерін жетілдіру. Өз халқымыздың ұмытыла бастаған ұлттық ойындарын жандандыру және насихаттау.
Ұлттық ойындар арқылы күшті, ұшқырлықты, жылдамдықты, ептілікті дамыту. Оқушыларды достыққа, ынтымақтастыққа, әділдікке тәрбиелеу.
(Спорт залда қазақтың күйі ойнап тұрады.
Жүргізуші жарысқа қатысушы командалармен таныстырып отырады).

1. Жүргізуші:
Ассалаумағалейкум.
Ұлыс оң болсын,
Ақ мол болсын!
Қайда барсаң, жол болсын!

2. Жүргізуші:
Әуелесін армандар,
Үміті от боп жанғандар.
Бақ дарып, Қызыр қарасын,
Мерекеден қалмаңдар.

1. Жүргізуші:
Наурыз мейрамына арналған казақ ұлттық ойындарына қатысатын командаларды қарсы алыңыздар!

(Күй сарынының ырғағымен ортаға ұлттық киім киген қыз балалар бастаған ойынға қатысушы командалар шығады).
1. Жүргізуші:
О жараңдар, жараңдар!
Тамашадан қалмандар.
Құс қанатты көңілмен,
Жер әлемді шарлаңдар.

2. Жүргізуші:
Оятып шың мен асқарды
Ерітіп мұз бен ақ қарды.
Нұрландырған даланы,
Наурыз- көктем басталды!

1. Жүргізуші:
Жарандар, жарандар!
Бәрің мында қараңдар!
Ұлттық ойын басталалды,
Текке қарап тұрмаңдар!

(Сайысқа қатысушылар орындарына келіп тұрғаннан кейін жарыстың
бас төрешісі бұйрық беріп, Директор ханымға баяндама жасайды.
Баяндама жасаған соң Казақстан Республикасының Әнұраны ойнайды,
Көк Байрақты команда нояндары көтереді).
1. Жүргізуші:
Бастаса- елдің көсемі,
Сөйлесе- сөздің шешені.
Ақылы асқан абыздай,
Бар түйінді шешеді.

Құттықтау сөз мектеп директоры Назаралиева Зина Сүлейменқызына беріледі.

2. Жүргізуші:
ФМБ НЗМ алғаш рет өткізгелі отырған «Наурыз мейрамына арналған казақ ұлттық ойындарын» ашық деп жариялаймыз.
(Ән «......»).
(Бас төреші сыныптарды ойындардың кестесімен және
өткізілетін орнымен таныстырады. Сайысқа бірінші түсетін командлар орында қалады, қалған командалар көрермен орнына барып отырады).

Жүргізушілер кезекпен оқиды:
ТӨЛЕ БИ ҚАЗЫБЕК БИ ӘЙТЕКЕ БИ
Өзіңе-өзің кәміл бол, Атадан жақсы ұл туса, Бай болсаң пайдаң
Халқыңа әділ бол, Елінің оңы болады. Халқыңа тисін.
Жауыңа қатал бол, Атадан жаман ұл туса, Батыр болсаң найзаң
Жолдасыңа адал бол . Көштің соңы болады. Жауыңа тисін.

Әр сайыс басталар алдында жүргізуші айтатын сөздер:

1. Жүргізуші:
1. Ер сасқанда белгілі
Ат шапқанда белгілі.
2. Жүргізуші:
2. Ел үмітін ер ақтар,
Ел атағын ер сақтар.
1. Жүргізуші:
3. Ерлік білекте емес жүректе.
2. Жүргізуші:
4. Болат қайнауда шынығады,
Батыр майданда шынығады.

1. Жүргізуші:
5. Ер күйінгенде күйінген батыр,
Ел сүйінгенде сүйінген батыр-
Ерегесте мыңға татыр.
2. Жүргізуші:
6. Жігіт жанған шоқ болсын,
Шоқ болмаса, жоқ болсын.
1. Жүргізуші:
7. Шын ер жеңсе, тасымас
Жеңілсе-жасымас.
2. Жүргізуші:
8. Ер жігіттің
Екі сөйлегені-өлгені
Еменнің иілгені-сынғаны.

1
Жігіт қуалау
Әр сыныптан 3не 5 адамнан қатысады. Қай команда көп ұпай жинаса, солар -жеңімпаз. Жеңімпаздар мен ұтылғандар өз-ара кездеседі

2
Жаяу тартыс
Әр сыныптан 3 адамнан қатысады. Қай команда көп ұпай жинаса, солар- жеңімпаз. Жеңімпаздар мен ұтылғандар өз-ара кездеседі

3 Тымақ ұру Әр сыныптан 3-5 немесе 7 адамнан қатысады. Қай сынптың оқушылары белгілі(4 не 7минут) уақытта көп тымақ қақса, солар -жеңімпаз

4
Кепеш алу Уақытқа 3-5 немесе 7 адамнан әр сыныптан қатысады. Кім тез арада кепеш алса сол -жеңімпаз. Әр командалар қай уақытта кепеш алды, белгіленіп бір біріне қосады. Кімде ең аз уақыт жиналды солар- жеңімпаз.

5
Әуе таяқ Сайысқа 3-5 немесе 7 адамнан әр сыныптан қатысады.Кім көп рет нысананы (таяқты ) қағып түсірсе, сол- жеңімпаз.

6
Қындық сандық Әр сыныптан 3 адамнан қатысады.Қай команда көп ұпай жинаса, солар- жеңімпаз. Жеңімпаздар мен ұтылғандар өзара кездеседі

7
Кісі көтеру Әр сыныптан 3 адамнан қатысады. Қай команда көп ұпай жинаса, солар- жеңімпаз. Жеңімпаздар мен ұтылғандар өзара кездеседі

8
Қазақстандықтар -Азиада жеңімпаздары
Команда араларында тең ұпай болған жағдайда қосымша сайыс ретінде.