Коллеги - педагогический журнал Казахстана
Учительские университеты
| Главная » Статьи » В помощь учителю » Технология |
Алжапқышы пішу, өңдеу.
| Сабақтың тақырыбы: Алжапқышы пішу, өңдеу. Сабақтың мақсаты: оқушыларға алжапқышты тігу реттерін үйрету Міндеттері: 1)мата қасиетін, түсі мен суреттерін еске түсіре отырып, алжапқыш бөліктерін пішуді, тігіс түрлерін қолданып өңдеуді үйрету; 2) ұқыптылыққа, шыдамдылыққа, еңбексүйгіштікке, шеберлікке тәрбиелеу; 3) тігін бұйымдарын өңдеу тәсілдерін меңгерте отырып, эстетикалық талғамын арттыру, іскерліктерін жетілдіру, шығармашылығын дамыту Сабақ түрі: аралас Әдістер: түсіндіру, көрсету, сұрақ-жауап,ойын Көрнекіліктер:слайд, нұсқау карта Құрал-жабдықтар: алжапқыш бөліктері-лекало, мата, қайшы,ине,жіп,түйрегіштер, тігінші боры Сабақ барысы І. Ұйымдастыру. Оқушылармен амандасу. Құрал-жабдықтарын, сабаққа дайындықтарын тексеру. ІІ. Өткен материалды қайталау. Алжапқыш тарихы: Ежелгі Египет, Греция, Рококо ғасыры. Алжапқыш түрлері (жұмыс, ұлттық, сәндік). Алжапқышқы қажетті өлшемдер. Сызбасын сызу. Модельдеу. Оқушыларға түрлі алжапқыш үлгілері беріледі. Ұқсастығы, айырмашылығын анықтау. ІІІ. Жаңа сабақ. Алжапқыш тігу реттері реті Алжапқыш тігу реті Жұмыс барысының орындалуы 1 Пішу Матаны пішуге даярлау. Пішім бөліктерін матаға орналастыру. Бөліктерді айналдыра түзу сызықпен сызу. Тігіс әдіптерін ескеріп сызу Бөліктерді қию. 2 Алжапқыш бөліктерін өңдеу Пішіліп алынған бөліктерді өңдеуге даярлау. Алжапқыштың төменгі бөлігін, кедесін, аспабауды, белбеуді, қалтаны өңдеу. 3 Алжапқыш бөліктерін қосу Алжапқыштың төменгі бөлігіне қалтаны орналастыру. Белбеуді кеудесімен, алжапқыш етегімен қосу. 4 Алжапқышты соңғы өңдеу Көктеу тігістерін алып тастау, өтектеу, сапасын анықтау. Алжапқыш тігу үшін жеңіл, түксіз мата таңдалады. Алжапқышты мақтадан жасалған матадан тіккен дұрыс. Мата түрлері, қасиеттері туралы еске түсіру. Матаны пішуге даярлау, пішу 1. Матаның сапасын анықтау. Түйіншектер, тесіктер, дақтар, өрнектің шатысқан жерлері-ақаулардың бар-жоғы тексеріледі. Ондай жерлерді бормен белгілейді. 2. Пішім бөліктерін үнемдеп, дұрыс орналастыру үшін матаның ұзыны мен енін өлшеу. 3. Матаның оңы мен терісін, арқауы мен негіз бойын, сурет бағытын анықтау. 4. Пішу алдында матаны өтектейді немесе декатирлейді. 5. Пішім бөліктерін матаның бүктелінген жерінен бастап негіз жібі бойымен, мата суретін ескеріп орналастырады. 6. Алдымен үлкен бөліктері, сонан соң кішкене бөліктері қойылады, түйрегіштермен түйреледі. 7. Пішім бөліктерін тігінші борымен, сабын қалдығымен, карындашпен сызу, сызу қалыңдығы 1мм-ден артық болмауы керек. 8. Бөліктерді тігіс қосымшаларына орын қалдырып, сызық бойымен қиып шығады. Декатирлеу -пішу алдында матаны отырмау үшін буға не ыстық суға ұстап ширату, ылғалды-жылумен өңдеу. Пішім бөліктерін матаға орналастыру. Ені әртүрлі маталарда пішім бөліктері де әртүрлі болып орналасады. ІҮ. Практикалық жұмыс. Қол жұмыстарын орындағанда қолданылатын қауіпсіздік ережелерін еске түсіру. Нұсқау карта таратылып, оқушылар матаға пішім бөліктерін орналастырады. «Эстафета» ойыны. Екі топқа бірдей мата беріледі. 1. Матаны дұрыс бүктеу. 2. Матаға пішім бөлігін дұрыс орналастыру, түйрегіштермен бекіту. 3. Пішім бөлікті айналдыра сызу. 4. Тігіс қосымшасын ескеріп сызу. Екі топтың жұмысын өздеріне тексерту, қателерін түзеу. Қалтаның орнын анықтау, көшіргі тігісті орындау. Ү. Сабақты бекіту. «Адасқан сөз тіркестері». (Матаны өтектейді, тігіс қосымшасы, тігінші боры, үлкен бөліктер, бүктелінген мата) Оқушылар дұрыс жауабын таңдайды. 1. Бөліктерді қиғанда ........ ескеріледі. тігіс қосымшасы 2. Матаға алдымен .........орналасады. үлкен бөліктер 3. Пішім бөліктері ......... бастап орналасады. матаның бүктелінген жері 4. Пішім бөліктерін .........сызу. тігінші боры, карандаш 5. Пішу алдында ............ матаны өтектейді ҮІ. Қорытынды. Оқушылардың жауаптары бағаланады. Жұмыс орнын жинастыру. | |
| Просмотров: 4912 | |
Понедельник, 2024-11-18, 9:16 PM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|