Коллеги - педагогический журнал Казахстана
Учительские университеты
| Главная » Статьи » В помощь учителю » Технология |
ЖОБАМЕН ЖҰМЫС
| Шығармашылық жобаны таңдау Сабақтың мақсаттары: жобалау шығармашылық жұмысы туралы білім қалыптастыру; жобаны таңдау; оқушылардың тоқу саласындағы мүмкіндіктері мен икемділіктерін бағалау. Білімдік: ілмекбізбен тоқу техникасы жөніндегі білімді бекіту. Дамытушылық: көркемдік талғамды дамыту; танымдық қабілеттерін, жобаны талқылау мен қорғау іскерліктерін дамыту. Тәрбиелік: эстетикалық талғамды тәрбиелеу. Сабақ үлгісі: аралас. Сабақ өткізу әдістері: а) түсіндіру-иллюстрациялық (әңгімелесу, дидактикалық материалмен жұмыс, көрнекілік); ә) жеке іздестірушілік; б) нұсқама; сарамандық жұмыс; өздігінен орындалатын жұмыс. Оқу құралдары: а) пәндік-табиғи объектілер, көрнекті құралдар; сарамандық еңбек қызметі; ә) шығармашылық қызығушылық, жұмысқа қанағаттану: Жабдықтар мен көрнекіліктер: оқулық, жұмыс дәптері, мультимедиялық жүйе, экран, жобалар. Сабақ барысы. Ұйымдастыру кезеңі. Жаңа материалдарды баяндау. Бүгінгі сабақтың мақсаты-шығармашылық жоба үшін объектіні таңдай білуге үйрену және ілмекбізбен тоқу техникасын жетілдіру. Жұмысты шығармашылықты түрде ұйымдастыру үшін сынып шағын топтарға бөлінеді, әрбір топ жұмыстың өздеріне бөлінген кезеңін атқарады, әрбір топтың өз жұмыс орны, қажетті құралдары болады және мұғалімнің кеңесін ала алады. Жоба бойынша жұмыс. 1. Жобаның көкейтестілігі. Жобаны жіктеу мен талқылау барысында іс-әрекеттер жоспары жасалады, проблемаға талдау жүргізіледі. Қазір қолда не бар және нені істеу керек? Деген сұрақ төңірегінде пікір алмасады. Идеялар мен ұсыныстар банкісі құрылады. (Жұмыс барысында мұғалім мақсат қоюға көмектеседі, жұмысқа түзету енгізеді.) 2. Зерттеу. Жоба нұсқалары суреттермен, сұлбалармен, қысқаша сипаттамалармен қатар беріледі. Тақырып бойынша ақпарат жиналып, талқыланады. Бірлесіп талқылағаннан кейін негізгі нұсқаны таңдап алады. Мұғалім іс-әрекеттер жоспарын жасауға көмектеседі. Жобаны дайындаудың технологиялық картасын құрастырады, аспаптар, материалдар іріктеліп алынады. Мұғалім әрбір топтағы технологиялық операциялардың реттілігіне түзетулер енгізеді.Оқушылар көрсетілген дайын жобаларға талдау жасайды, болашақ бұйымға қажетті заттардың тізімін құрастырады. 3. Жоба тақырыбын таңдап алуды негіздеу, идеяларды дайындау мен үздіктерін таңдап алу. Оқушылар мұғаліммен бірге алға қойылған мәселелерді талқылайды. Өз жобалары үшін қажетті ақпаратты іріктеп алады. 4. Нәтижелер мен қорытындылар: оқушылар дайындаудың оңтайлы технологияларын таңдап алып, болашақ жобалардың эскиздерін көрсетеді, жиналған ақпаратты нақтылайды, талқылайды, қорытындылар жасайды. (Барлық жұмыс мұғалімнің бақылауымен жүргізіледі.) 5. Қорытынды. Жоба жасау-бұл жеке тұлғаны өз қажеттіліктерін сезінуге, бұйымдарды әшекейлеуге өзін-өзі көрсетуге бастайтын жол. Шығармашылық жұмыс процесінде оқушылар орындалған жұмыстан толық және терең қанағаттанушылыққа ие болады, олардың шығармашылық белсенділігі дамиды. Сарамандық жұмыс. Ілмекбізбен тоқылған тізбекшелерден панно әзірлеу. Аспаптар, материалдар, жабдықтар: түрлі түсті жіптер (қалдықтарды да пайдалануға болады); калька, миллиметрлік қағаз, жай қалам, сызғыштар, бұрыштықтар, қатырма қағаздар, қайшылар, түйрегіштер, ПВА желімі, желім жағатын қылқалам, тоқу үлгісі. Жұмыс барысы 1. Суретті қатырма қағаз парағына көшіру. 2. Түрлі түсті бос шалудан тізбекшелер тоқу. 3. Суреттің қажетті жеріне желім жағу. «Бұрымдардан» панно элементтерін салу. 4. Оны негізге жақсы желімделуі үшін мұқият бастыру. 5. Қажет болған жағдайда бұрымдарды ағылшын түйрегіштермен түйреу. 6. Бұйымды толық кепкенінше арнайы құралмен бастырып қою. 7. Бұйымды рәсімдеу. Кіріспе нұсқама. Оқушыларды тапсырманы орындауға бағыттау. Ағымдық нұсқама: а) жұмыс орындарын ұйымдастыру; ә) еңбек тәсілдері орындалуының дұрыстығын тексеру; б) ҚТЕ-нің сақталуын тексеру; в) үлгерген оқушыларға қосымша тапсырмалар беру. Қорытынды нұсқама: а) сабақты қорытындылау; ә) сипатты қателіктер мен олардың себептеріне талдау жасау; б) оқушылардың жұмысын бағалау. Үйге тапсырма. Жұмыс орындарын жинастыру. | |
| Просмотров: 9498 | |
Понедельник, 2024-11-18, 9:20 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|