Коллеги - педагогический журнал Казахстана
Учительские университеты
| Главная » Статьи » В помощь учителю » Самопознание |
«Сабырлылық пен ұстамдылық»
| Сабақ барысы: 1. Ұйымдастыру кезеңi Тыныштық сәтi. Нұрға бөлену. 2. Үй тапсырмасын тексеру Оқулық 77-78 бет, «Жан жарасы жазылмайды». 1) Әкесі баласын ұстамдылыққа қалай үйретті? 2) Баласы әкесінің айтқанынан не түсінді? 3) Өздеріңнің сабырсыздық танытқан кездерің болды ма? 4) «Ашуды ақылмен жеңу» дегенді қалай түсінесіңдер? 3. Дәйексөз Сабырлық – ақыл-парасаттың белгісі, Сабырсыздық сені ұятқа қалдырар. Ж.Баласағұни • Адам бойында ішкі тыныштығын сақтау үшін мінезіндегі сабырлық қасиеті қалай әсер етеді? • Сабырлы адам қандай адам деп ойлайсыңдар? • Сабырсыз адам қандай адам деп ойлайсыңдар? • Ұят дегенді қалай түсінеміз? Әр нәрсенің байыбына барып, ақылға салып өзімізді сабырлықпен әрекет етуге үйренейік. 4. Әңгiмелеу Ы.Алтынсариннің «Әке мен бала» әңгімесі Бір адам баласын ертіп, егіннен жаяу келе жатса, жолда қалған аттың бір ескі тағасын көріп баласына айтады: - Анау тағаны, балам, ала жүр, - деді. Бала әкесіне: - Сынып қалған ескі тағаны алып не қылайын, - деді. Әкесі үндемеді, тағаны өзі алды да, жүре берді. Қаланың шетінде темірші ұсталар бар екен, соған жеткен соң әкесі қайырылып, манағы тағаны соларға үш тиынға сатты. Одан біраз жер өткен соң, шие сатып отырғандардан ол ұш тиынға бірталай шие сатып алды. Сонымен шиені орамалына түйіп, шетінен өзі бір – бірлеп алып жеп, әкесінің қолынан бір шие жерге түседі. Артында келе жатқан бала тым – ақ қызығып келеді екен, жерге түскен шиені жалма – жан жерден алып, аузына салды. Біраздан соң және бір шие, онан біраз өткен соң және бір шие сонымен әр жерде әкесінің қолынан түскен шиені оншақты рет иіліп, жерден алып жеді. Ең соңында әкесі тоқтап тұрып, баласына шиені орамалымен беріп тұрып айтады: - Көрдің бе, мана тағаны жамансынып, жерден бір ғана иіліп көтеріп алуға еріндің, енді сол тағаға алған шиенің жерге түскенін аламын деп бір еңкеюдің орнына он еңкейдің. Мұнан былай есіңде болсын: аз жұмысты қиынсынсаң – көп жұмысқа тап боласың, азға қанағат ете білмесең – көптен де құр боласың, - деді. - Әңгіменің негізгі түйіні қандай деп ойлайсыңдар? - Әкесінің орнында болсаң, сен қалай шешім қабылдар едің? Шығармашылық жұмыс, топтық жұмыс. 1. Тыныштықта сүрет салу 5. Топпен ән айту. Мұқағали Мақатаев «Бақыт деген» 6.Үй тапсырмасы. Кітаппен жұмыс 23- сабақ. «Адал бала» (Корей ертегісі) 81-82 бет. Дәптермен жұмыс. 51- бет, 3-жаттығу «Аяқталмаған сөйлем». 7.Соңғы тыныштық сәтi. Балалар, бүгінгі сабақта алған ойларды жүрегімізге түйейік. Сабақ аяқталды,сіздерге рахмет! Сау болыңыздар! | |
| Просмотров: 1438 | |
Четверг, 2024-12-19, 8:43 AM
Приветствую Вас Гость
Приветствую Вас Гость
Форма входа |
|---|
Социальные закладк |
|---|
Поиск |
|---|
Друзья сайта |
|---|
Теги |
|---|
Статистика |
|---|